የሳምንቱ የራዲዮ መፅሔት ልዩ ልዩ ቅንብሮች!

የሳምንቱ ምርጥ ግጥም፤ ”እንባሽ ተናገረ”

ሙዚቃዊ ወጎች፤ ቆይታ ከድምጻዊ ስዩም ሞገስ ጋር፤

የኬነዲ ግድያ ሃምሳኛ ዓመት መታሰቢያ፤ የኬነዲ ግድያና የኪነ ጥበቡ ዓለም ልዩ ትኩረት፤

የጋዜጠኞች የጠረጴዛ ዙሪያ ውይይት፤

የራዲዮ መጽሄት ወጎች፥ የሳምንቱን ምርጥ ግጥም በማስቀደም፤ በኢትዮጵያ የሙዚቃ ታሪክ ታላቅ ሥፍራ የነበረውና ዛሬም ከህልፈቱ በኋላ ሁነኛ ተጽዕኖ ያለውን ተወዳጅ ድምጻዊ ጥላሁን ገሰሰን ለመለየት በሚያዳግት ምስስል ከሚጫወት ግሩም ዜመኛ ጋር ያደረግነውን ቆይታ ያስከትላል።

የቀድሞ የዩናይትድ ስቴትስ ፕሬዝዳንት ኬነዲ በነፍስ አጥፊ ጥይት የተገደሉበት ሃምሳኛ ዓመት መታሰቢያን አስታኮ፥ በሕይወት ካለፉ አያሌ ዓመታት በኋላም እጅግ የበዛ የሕዝብ ተቀባይነት ያልተለያቸው ፕሬዝዳንት ድንገተኛና አነጋጋሪ አሟሟት የኪነ ጥበቡን ዓለም ትኩረት እንደሳበ ይህን ሁሉ ዓመታት የዘለቀበት ከወጎቻችን በአንዱ ይቃኛል። መደበኛው የጋዜጠኞች የጠረጴዛ ዙሪያ ውይይት፤ በአንድ ሰሞንኛ ርዕስ ላይ ያተኩራል። የሳምንቱን የራዲዮ መፅሔት ወጎች እነሆ!