የአቶ አንዳርጋቸውን መሰጠት የሚቃወሙ ሰልፎች ተደረጉ

ዋሺንግተን ዲሲ — 

የኢትዮጵያዊያኑ የተቃውሞ ሰልፍ የመን ኤምባሲ ደጃፍ ላይ - ዋሺንግተን ዲሲ

የአቶ አንዳርጋቸውን መሰጠት የሚቃወሙ ሰልፎች ተደረጉ

የግንቦት ሰባት ዋና ፀሐፊ አቶ አንዳርጋቸው ፅጌ ሰንዐ - የመን ላይ ተይዘው ለኢትዮጵያ ተላልፈው መሰጣታቸውን በመቃወም ዋሺንግተን ዲሲ እና በአባባቢዋ የሚኖሩ ኢትዮጵያዊያንና ትውልደ-ኢትዮጵያ አሜሪካዊያን የመን ሪፐብሊክ ኤምባሲ ደጃፍ ላይ የተቃውሞ ሰልፍ አድርገዋል፡፡

የመን ኤምባሲ ደጃፍ ላይ የተገኙት ኢትዮጵያዊያን የመን አቶ አንዳርጋቸውን አሳልፋ መስጠቷ ያስቆጣቸው መሆኑን አሳውቀዋል፡፡

ሰልፈኞቹ ከኤምባሲው የሚወጡና የሚገቡ ተሽከርካሪዎችና ሠራተኞችን በብዙ ድምፅ፣ ጩኸትና መፈክር አውከዋል፡፡ የመን ሽብርተኛ፣ ሃፍረት ለእናንተ የሚሉ መፈክሮችን አሰምተዋል፡፡

ሰልፈኞቹ የየመንን ባንዲራና የፕሬዚዳንቷን ፎቶ አቃጥለዋል፡፡

ለዝርዝሩ የተያያዘውን የድምፅ ፋይል ያዳምጡ፡፡