እሸቱ መለሰ -ከጎሳ ፖለቲካ እስከ ማህበራዊ ጉዳዮች፣ከጾታዊ ጽንሰ- ሀሳቦች እስከ ሰብአዊ መብት ሙግቶች ፤ በሚዳስሱ አስቂኝ ስራዎቹ ከቅርብ ጊዜ ወዲህ ትኩረትን ያገኘ ወጣት ከያኒ ነው፡፡
ትሬቮር ኖሃን እና ኬቨን ሀርትን የመሰሉ በምዕራቡ ዓለም የታወቁ የአደባባይ ኩመካ ባለሙያዎችን -“ስታንዳፕ ኮሜዲያንን” በማየት በመሰል የኪነ-ጥበብ መስክ ለመሰማራት መወሰኑን የሚናገረው ከያኒው፣ በጥቂት ወራት ፍርርቅ ሦስት የአደባባይ ኩመካ - ስራዎችን ለተመልካቾች አበርክቷል፡፡
በቅርቡ የወጣውን “ነግ በኔ” የተሰኘ ስራውን እንደመንደርደሪያ በመውሰድ ከአሜሪካ ድምጽ ራዲዮ ጋር ቆይታ ያደረገው እሸቱ በአብዛኛው አድናቆትን፣ አልፎ አልፎ ደግሞ ወቀሳን ያስከተሉበትን ስራዎች- በሰዎች መካከል መነጋገር እና መስማማት እንዲጎለብት እንደ መሳሪያነት ለመጠቀም እየጣረ እንደሆነ አውስቷል፡፡
ከአሜሪካ ድምጹ ሀብታሙ ስዩም ጋር ያደረገው ቆይታ ያዳምጡ፡፡
Your browser doesn’t support HTML5
ድልድይን በሳቅ ለማነጽ የሚተጋው እሸቱ መለሰ (ኮሜዲያን)