የአማራ ተወላጆች ተቃውሞ ሰልፍ በዲሲ

አማራ ክልል ውስጥ ፣በኢትዮጵያ መንግሥት ኃይሎች እየደረሰ ነው የተባለን የሰብአዊ መብት ጥሰት ለመቃወም የተጠራ ሰለማዊ ሰልፍ በትላንትናው ዕለት ከአሜሪካ ፕሬዝደንት መኖሪያ ኋይት ሃውስ ፊት ለፊት ተከናውኗል። ሰልፈኞቹ፣ በክልሉ ውስጥ የሰላማዊ ሰዎችን ህይወት እያናጋ ፣ ከጦርነቱ ጋራ ምንም ግንኙነት የሌላቸውን ሲቪሎች ህይወት እየቀጠፈ ነው ያሉት ግጭት ዓለም አቀፍ ትኩረት እንዲያገኝና መፍትሔ እንዲመጣ አደባባይ መውጣታቸውን ተናግረዋል። የትላንቱ ሰልፍ፣ የተለያዩ የሰሜን አሜሪካ እና አውሮፓ ከተሞችን ያከተተው የክልሉ ተወላጆች ዘመቻ አካል መሆኑን አስተባባሪዎቹ ተናግረዋል ።ዘገባው ከስር ተያይዟል።