የትምህርት ሚኒስትር ዶክተር ብርሃኑ ነጋ በበኩላቸው ውጤቱን አስመልክተው በሰጡት መግለጫ ዘንድሮ ካለፉት ሁለት አመታት የተሻለ ውጤት መመዝገቡን አመልክተው "ከሥር መሠረቱ የተበላሸ" ያሉትን የትምህርት ስርዓት ለማስተካከል ግን ጊዜ እንደሚወስድ ተናግረዋል።
በ12ኛ ክፍል ፈተና ለተገኘው አስደንጋጭ ውጤት ተጠያቂው ማነው?
Your browser doesn’t support HTML5
የዘንድሮውን የ12ኛ ክፍል ሀገር አቀፍ ፈተና ከወሰዱ 674 ሺህ 823 ተፈታኞች ውስጥ 5.4 ከመቶ ብቻ ማለፋቸው እጅግ በጣም እንዳስደነገጣቸው እና እንዳሳዘናቸው ተማሪዎች እና መምህራን ለአሜሪካ ድምፅ ተናግረዋል። ላለፉት ሦስት ተከታታይ አመታት ወደ ከፍተኛ ትምህርት ተቋማት መግባት የቻሉት ተማሪዎች ቁጥር እጅግ በጣም ዝቅተኛ መሆኑ በተማሪዎቹ የወደፊት እጣ ፈንታ እና በሀገሪቱ ላይ የሚፈጥረው ጫና እጅግ እንደሚያሳስባቸውም ገልጸዋል።