በኩመር የስደተኞች መጠለያ ጣቢያ ጥቃት 10 የፖሊስ አባላት መገደላቸው ተገለጸ

በምዕራብ ጎንደር ዞን በሚገኘው የኩመር የስደተኞች መጠለያ አቅራቢያ በሚገኝ አንድ የፌደራል ፖሊስ ጣቢያ ላይ፣ ታጣቂዎች ፈጸሙት በተባለ ጥቃት፣ 10 የፖሊስ አባላት ሳይገደሉ እንዳልቀሩ መረዳቱን፣ የመንግሥታቱ ድርጅት የስደተኞች ጉዳይ ከፍተኛ ኮሚሽነር በምኅጻሩ ዩ.ኤን.ኤች.ሲ.አር ለአሜሪካ ድምፅ አስታወቀ፡፡

በመጠለያው የሚኖሩ ስደተኞችም፣ ትላንት ረቡዕ ንጋት ላይ በተደረገ የተኩስ ልውውጥ፣ መጠለያውን ሲጠብቁ የነበሩ የጸጥታ ኀይሎች መገደላቸውን ተናግረዋል፡፡

ስለ ጉዳዩ፣ ከዐማራ ክልላዊ መንግሥት ኃላፊዎች እንዲሁም ከኢትዮጵያ የስደተኞች እና ከስደት ተመላሾች አገልግሎት አስተያየት ለማግኘት ያደረግነው ጥረት ለዛሬ አልተሳካም፡፡