ዋይት ሐውስ ለዩክሬን ድጋፉ እንዲቀጥል ጥረት እያደረገ ነው

የምዕራቡ ዓለም ለዩክሬን በሚያደርገው ድጋፍ ስንጥቃት እየታየበት ነው፡፡

በአሁኑ ወቅት፣ በአሜሪካ የተወካዮች ምክር ቤት አባላት መሀከል በጉዳዩ ላይ መከፋፈል አለ፡፡ ከኔቶ የጦር ቃል ኪዳን አባል ሀገራት ውስጥ ደግሞ፣ ዐዲሱ የስሎቫኪያ ፕሬዚዳንት፣ አገራቸው ለዩክሬን የምትሰጠውን ድጋፍ ቀጣይነትን አስመልክቶ ጥርጣሬ ገብቷቸዋል፡፡

ዋይት ሐውስ ግን፣ ለዩክሬን በሚሰጠው ድጋፍ ቀጣይነት ቁርጠኛ እንደኾነ፣ ፕሬዚዳንት ጆ ባይደን አስታውቀዋል። ፕሬዚዳንቱ፣ የኮንግረስ ሪፐብሊካን አባላት፣ 24 ቢሊዮን ዶላር ርዳታ ለዩክሬን እንዲሰጥ ድጋፋቸውን እንዲያሳዩ እየተማፀኑ ነው።