የጎዳና ህይወትን አልፎ ለአሜሪካ ምክርቤት ምርጫ የሚወዳደረው ትውልደ ኢትዮጵያዊ

እ.አ.አ በ2022 መገባደጃ ህዳር ወር ላይ ለሚካሄደው የዩናይትድ ስቴትስ ምክር ቤት እና አካባቢ ምርጫ ከሚወዳደሩ ተፎካካሪዎች መካከል በቨርጂንያ ክፍለ ግዛት የሚገኙትን አርሊንግተን፣ አሌክዛንድሪያ አና ደቡባዊውን የፌርፋክስ አካባቢ ወክሎ የሚወዳደረው ትውልደ ኢትዮጵያዊ አሜሪካዊው ቴዲ ፍቅሬ አንዱ ነው። እንደ ቦዝ አለን የመሳሰሉ ትላልቅ ኩባንያዎች በቴክኖሎጂ ባለሙያነት ያገለገለው ቴዲ ከሰባት አመት በፊት ስራውን በማጣቱ ለሁለት አመት ተኩል በጎዳና ላይ ለመኖር ተገዶ የነበረ ሲሆን ያ ወቅት በሰዎች ላይ የሚደርሰውን ፖለቲካዊ እና ኢኮኖሚያዊ ኢፍትሃዊነት እንዲመለከት እና ለምክር ቤት ምርጫ እንዲወዳደር እንደገፋፋው ገልጿል።