በደቡብ አፍሪካ አውቶብስ ተገልብጦ 45 ሰዎች ሞቱ

እሁድ የሚውለውን የፈረንጆች ፋሲካ ለማክበር ወደ አንድ ቤተክርስቲያን ሲያቀኑ የነበሩ አማኞች ይጓዙበት የነበረው አውቶብስ ገደል ውስጥ ሲገባ 45 ሰዎች ሞተዋል። ከአደጋው የተረፈው አንድ የ8 ዓመት ልጅ ሲሆን፣ በሕክምና ላይ ይገኛል ተብሏል።

ሊምፖፖ የተባለው የአካባቢ አስተዳደር እንዳስታወቀው፣ አውቶብሱ በተራራማ አካባቢ ከነበረው ድልድይ ላይ ስቶ 50 ሜትር ርቀት ካለው ገደል ውስጥ ሲወድቅ በእሳት ተቀጣጥሏል።

ተጓዦቹ ከቦትስዋና የተነሱ ሳይሆኑ እንዳልቀረና ሞሪያ በተባለ ሥፍራ በሚከናወንና በመቶ ሺሕ የሚቆጠሩ ሰዎች በሚሳተፉበት ዓመታዊ የፋሲካ በዓል የእምነት ሥነ ስርዓት ላይ ለመታደም እያቀኑ እንደነበር የአሶስዬትድ ፕረስ ዘገባ አመልክቷል። ሥነ ስርዓቱ ከኮቪድ-19 ወረርሽኝ በኋላ ሲካሄድ ለመጀመሪያ ጊዜ እንደሆነም ታውቋል።

አንዳንዶቹ ሰለባዎች መለየት በማይቻል ሁኔታ የተቃጠሉ ሲሆን፣ ሌሎቹ ደግሞ ከአውቶብሱ ተፈናጥረው ወደ ገደል ወድቀዋል።