በቀላሉ የመሥሪያ ማገናኛዎች

ዜና

ሐሙስ 9 ጥር 2020

ቭላድሚር ፑቲን እና ረጂፕ ታይፕ ኤርዶዋን

ተቀናቃኝ መንግሥታት በሚዋጉባት በሊቢያ ከፊታችን ዕሁድ ጀምሮ ተኩስ አቁም እንዲደረግ የሩስያ እና የቱርክ መንግሥታት ጥሪ እያቀረቡ ናቸው።

ቭላድሚር ፑቲን እና ረጂፕ ታይፕ ኤርዶዋን ትናንት ኢስታንቡል ላይ ባወጡት የጋራ መግለጫ ሊቢያ ውስጥ ያለውን ግጭት በወታደራዊ መንገድ ለመፍታት መሞከሩ የህዝቡን ስቃይ እና ክፍፍሉንም ከማባባስ በቀር ውጤት አይኖረውም ብለዋል።

ህገወጥ ፍልሰት የጦር መሳሪያ በህገ ወጥ መንገድ ማስተላለፍ እና ሽብርተኝነት የሊቢያው ጦርነት ካስከተላቸው መዘዞች መካከል የሚጠቀሱ ናቸው ብለዋል መሪዎቹ።

ቱርክ ትሪፖሊ ላይ ተቀማጩን በምዕራባውያን የሚደገፈውን መንግሥት ለመርዳት ወታደሮች መላክ ጀምራለች።

ይህ በእንዲህ እንዳለ የሊቢያ ጠቅላይ ሚኒስትር ፋዬዝ ሳራጅ ትናንት ረቡዕ ከአውሮፓ ህብረት ባለሥልጣናት ጋር ብረሰልስ ውስጥ ተገናኝተው ተወይይተዋል። የእርሳቸው ተቀናቃኝ ጀነራል ኻሊፋ ሃፍታር በበኩላቸው ከደጋፊያቸው የኢጣሊያ ጠ/ሚ ጁሴፔ ኮንቲ ጋር ተወይይተዋል።

የጀርመን የውጭ ጉዳይ ሚኒስትር ሄይኮ ማስ ሁሉም ወገኖች ሊቢያን ሁለተኛ ሶሪያ ከመሆን እንዲታደጉ አሳስበው፣ የጦር መሳሪያ ማዕቀብም ይጣል፤ ፖለቲካዊ መፍትሄም ይፈለግ ሲሉ ተማጽነዋል።

ፕሬዚዳንት ዶናልድ ትረምፕ

ኢራን የዩናይትድ ስቴትስ ወታደሮች በሚገኙባቸው የኢራቅ የጦር መደቦች ላይ የሚሳየል ጥቃት ካደረሰች በኋላ ዛሬ ረፋድ ላይ ከዋይት ሃውስ የተናገሩት ፕሬዚዳንት ዶናልድ ትረምፕ አንደበታቸው በአመዛኙ የተለሳለሰ ነበር።

የጦር ኃይላቸውን ጥንካሬና የሀገራቸውን ምሳሌ ኃብት በአጽንኦት በተናገሩበት ለዘጠኝ ደቂቃዎች የዘለቀ ንግግራቸው፤ በከርሰ ምድር ዘይትና በጋዝ ምርት ከየትኛውም የዓለም ሀገር የቀደምን በመሆናችን ስለዚህ ጉዳይ መካከለኛው ምሥራቅ እምብዛም አያሰጋንም ብለዋል።

የዛሬው የኢራን ጥቃት ያደረሰው የከበደ ጉዳት እንደሌለም ፕሬዚዳንት ትራምፕ ተናግረዋል።

የተያያዘውን የድምፅ ፋይል ያዳምጡ።

ፕሬዚዳንት ዶናልድ ትረምፕ
please wait

No media source currently available

0:00 0:08:05 0:00


ተጨማሪ ይጫኑ

XS
SM
MD
LG