በቀላሉ የመሥሪያ ማገናኛዎች

ዜና

ረቡዕ 11 መስከረም 2019

Calendar
መስከረም 2019
ሰኞ ማክሰ ረቡዕ ሐሙስ ዓርብ ቅዳሜ እሑድ
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

የሙጋቤ አስከሬን ሃራሬ ገባ

ባለፈው ሳምንት ህክምና ላይ በነበሩበት በሲንጋፖር ሆስፒታል ያረፉት የቀደሞ የዚምባቡዌ ፕሬዚዳንት ሮበርት ሙጋቤ አስከሬን ዛሬ ሃራሬ ገብቷል።

ለሰላሳ ሰባት ዓመታት ዚምባቡዌን የገዟት ሙጋቤ ያረፉት በዘጠና አምስት ዓመታቸው ሲሆን ቅዳሜ ሃራሬ ላይ በመንግሥትዊ ደረጃ በተሰናዳ ግዙፍ ሥነ ስርዓት ስንብት ይደረግና ዕሁድ ቀብራቸው ይፈፀማል ተብሎ ይጠበቃል።

የሮበርት ሙጋቤን አስከሬን ከፍተኛ የሀገሪቱ ባለሥልጣናት ከፍተኛ ወታደራዊ መኮንኖች በሺዎች የተቆጠሩ ለቀስተኞች በሃዘን አቀባበል እድርገዋል።

የአሁኑ የሀገሪቱ ፕሬዚዳንት ኤመርሰን ምናንጋግዋ እስከ ቀብሩ ዕለት ድረስ ብሄራዊ የሃዘን ወቅት የሚዘልቅ ማወጃቸው ይታወሳል።

መስከረም 09/11/2001

ፕሬዚዳንት ዶናልድ ትረምፕ እና ቀዳማዊት ዕመቤት ሚላኒያ ትረምፕ

አሜሪካውያን ከአስራ ሥምንት ዓመት በፊት በዛሬዋ ዕለት እኤአ 09/11/2001 ኒውዮርክ ቨርጂኒያ እና ፔንሲልቬንያ ውስጥ በሽብርተኛ ጥቃቶች የተገደሉትን ወደሦስት ሺህ የሚጠጉ ሰዎች እያሰቡ ናቸው።

ፕሬዚዳንት ዶናልድ ትረምፕ እና ቀዳማዊት ዕመቤት ሚላኒያ ትረምፕ በጥቃቱ ዕለት በሽብርተኞች ከጠለፉት ሁለት አውሮፕላኖች እንደኛው ከኒውዮርክ የዓለም የንግድ ማዕከል ህንፃ ጋር ባጋጩበት ከጠዋቱ ሁለት ሰዓት ከአርባ ስድስት ደቂቃ ላይ ዋይት ኃውስ ቤተ መንግሥት ደጃፍ ላይ በተከናወነ የህሊና ፀሎት ተካፍለዋል።

ከዚያም ፕሬዚዳንቱ በዩናይትድ ስቴትስ የመከላከያ ሚኒስቴር ፔንታጎን በተከናወነ ሥነ ስርዓት ላይ የአልቃይዳ ሽብርተኞች የጠለፉትን አውሮፕላን ከህንፃው ባጋጩበት ጥቃት ለተገደሉት 184 ሰዎች ቤተሰቦች ንግግር አድርገዋል።

በኒው ዮርክ ግራውንድ ዜሮ ተብሎ በሚጠራው እና በመስከረም አንዱ ጥቃቶች በወደሙት የዓለም የንግድ ማዕከል ህንፃዎች በነበሩት ስፍራ ላይ በሚገኘው መታሰቢያ ላይ በየዓመቱ በየዓመቱ በሚካሄደው የመታሰቢያ ሥነ ስርዓት ሰለባ የሆኑት ሰዎች ስም ዝርዝር ተነቧል።

የዩናይትድ ስቴትስ ምክትል ፕሬዚዳንት ማይክ ፔንስ ደግሞ ፔንሲልቬንያ ሻንክስቪል ከተማ ላይ በተካሄዱ የመታሰቢያ ሥነ ስርዓቶች ተካፍለዋል። በመስከረም አንዱ ጥቃት የተካፈሉት ሽብርተኞች የጠለፉትን የዩናይትድ እየር መንገድ ከዋይት ኃውስ ጋር ለማጋጨት ይዘው ሲበሩ፣ ተሳፋሪዎች ታግለዋቸው አውሮፕላኑ ሻንክስቪል አቅራቢያ መውደቁ ይታወሳል።

ተጨማሪ ይጫኑ

XS
SM
MD
LG