በቀላሉ የመሥሪያ ማገናኛዎች

ዜና

ረቡዕ 6 የካቲት 2019

የኮ/ል ታደሰ ሙሉነህ ስርዓተ ቀብር

የኢትዮጵያ ህዝብ አርበኞች ግንባር መስራች ኮ/ል ታደሰ ሙሉነህ ስርዓተ ቀብር፣ ዛሬ በትውልድ ቦታቸው መርሃዊ ከተማ ተፈፀመ፡፡

የኢትዮጵያ ህዝብ አርበኞች ግንባር መስራች ኮ/ል ታደሰ ሙሉነህ ስርዓተ ቀብር፣ ዛሬ በትውልድ ቦታቸው መርሃዊ ከተማ በርካታ አድናቂዎቻቸውና ቤተሰቦቻቸው በተገኙበት በማኅደረ ስብሃት ቅድስተ ማርያም ቤተክርስቲያን በጀግና የአቀባበር ሥርዓት ተፈፀመ።

ኮ/ል ታደሰ ሙሉነህ ሶማልያ ኢትዮጵያን በወረረችበት ጊዜ የሚጠበቅባቸውን ወታደራዊ ግዳጅ በብቃት በመወጣት ሀገርን ከወራሪ ኃይል የታደጉ ሲሆን የሀገሪቱን ከፍተኛ ወታደራዊ ኒሻን የተሸለሙ ናቸው፡፡

ኮ/ል ታደሰ በኢትዮጵያ አየር ኃይል በነበራቸው ቆይታ በርካታ የበረራ ባለሙያዎችን ያፈሩ የሀገር ባለውለታም ነበሩ።

ለተጨማሪ የተያያዘውን የድምፅ ፋይል ያዳምጡ።

የኮ/ል ታደሰ ሙሉነህ ስርዓተ ቀብር ተፈፀመ
please wait

No media source currently available

0:00 0:03:43 0:00

በድሬዳዋ ከሳምንት በፊት ተቀስቅሶ በነበረው ተቃውሞ ሁከትና ረብሻ አስነስተዋል፣ ከተባሉት መካከል 155ቱ ዛሬ ፍርድ ቤት ቀርበዋል፤

በድሬዳዋ ከሳምንት በፊት ተቀስቅሶ በነበረው ተቃውሞ ሁከትና ረብሻ አስነስተዋል፣ ንብረት አጥፍተዋል ብሎ ፖሊስ በቁጥጥር ሥር ካዋላቸው ተጠርጣሪዎች መካከል 155ቱ ዛሬ ፍርድ ቤት ቀርበዋል፤ ተጠርጣሪዎቹ በማቆያ ፖሊስ ጣቢያነትም ሆነ በማረሚያ ቤትነት በማይታወቅ ካምፕ መታሰራቸው ተቃውሞ አስነስቷል፡፡

የድሬዳዋ አስተዳደር መጀመሪያ ደረጃ ፍ/ቤትም ዕድሜያቸው 13ና 14 የሆኑ ሦስት ታዳጊዎች እንዲሁም አንድ በፅኑ ህመም ላይ የሚገኝ ተጠርጣሪ በዋስ እንዲለቀቁ የወሰነ ሲሆን ቀሪዎቹ ለየካቲት 4 እና 5 እንዲቀርቡ ቀጠሮ ሰጥቷል፡፡

በከተማዋ የሚገኙ 12 አድባራት ሰበካ ጉባዔዎችም በቁጥጥር ሥር ያሉ ተጠርጣሪዎች ጉዳይ በይቅርታ እንዲዘጋ መጠየቅ ጀምረዋል፡፡

ለተጨማሪ የተያያዘውን የድምፅ ፋይል ያዳምጡ።

በድሬዳዋ ሁከትና ረብሻ የተጠረጠሩ ፍ/ቤት ቀረቡ
please wait

No media source currently available

0:00 0:04:16 0:00

ተጨማሪ ይጫኑ

XS
SM
MD
LG