በቀላሉ የመሥሪያ ማገናኛዎች

ዜና

የዩናይትድ ስቴትስ ፕሬዚዳንት ዶናልድ ትረምፕ

የዩናይትድ ስቴትስ ፕሬዚዳንት ዶናልድ ትረምፕ፣ በዚህ ሳምንት ቪየትናም ውስጥ ከሰሜን ኮሪያው መሪ ኪም ጆንግ ኡን ጋር የሚያደርጉት ውይይት ፍሬያማ እንደሚሆን ተነበዩ።

የሁለቱ ውይይት፣ ሰሜን ኮሪያን ከኑክሊየር ጦር መሣሪያ ነፃ በማድረግ ላይ ያተኮረ መሆኑን፣ ዋይት ኃውስ አመልክቷል።

ፕሬዚዳንት ትረምፕ ቅዳሜ ዕለት ባሰሙት ቃል፣ «ዐይን ለዐይን እንተያያለን ብዬ አምናለሁ። እናንተ ግን በቀጣዮቹ ቀናት በተደጋጋሚ ታዩታላችሁ» ብለዋል።

«ቬትናም ውስጥ በጣም አስደሳች የሆኑ የሁለት ቀን ተኩል ጊዜ እንደሚኖረን አምናለሁ» ሲሉ ዋይት ኃውስ ለተሰበሰበው የየስቴቶቹ ገዥዎች ቡድን የተናገሩት ትረምፕ፣ «በጣም አደገኛ የሆነ አካባቢን ከኑክሊየር ጦር መሣሪያ ነፃ ለማድረግም መልካም አጋጣሚ ይሆንልናል» ብለዋል።

ፕሬዚዳንት ትረምፕ «እንግዲህ፣ በሰሜን ኮሪያ በኩል አስፈራ የሆነ የኑክሚየር ሥጋት አይኖርም» ካሉ በኋላ፣ ሁለቱ መሪዎች ባለፈው ሰኔ ወር መገናኘታቸው አይዘነጋም።

የአል-ሻባብ ነውጠኞች ዛሬ ሰኞ ሞቅዲሾ አካባቢ ባካሄዱት ጥቃት ዘጠኝ ሲቪሎችን እንደገደሉ፣ የሶማልያ ባለሥልጣናት ገለፁ።

የአል-ሻባብ ነውጠኞች ዛሬ ሰኞ ሞቅዲሾ አካባቢ ባካሄዱት ጥቃት ዘጠኝ ሲቪሎችን እንደገደሉ፣ የሶማልያ ባለሥልጣናት ገለፁ።

ነውጠኞቹ ጥቃቱን ያካሄዱት በታችኛው ሸበሌ ክልል ላፎሌ ውስጥ መንገድ በማፅዳት ላይ በነበሩ 11 ሲቪሎች ላይ መሆኑን ባለሥልጣናት ጨምረው ገልፀዋል።

ላፎሌ፣ ከሞቅዲሾ በስተምዕራብ 20ኪሜ ርቀት ላይ የምትገኝ ከተማ ነች።

የክልሉ ገዢ ሞሓመድ ኢብራሂም ባሬ ለአሜሪካ ድምፅ ሶማል አገልግሎት በሰጡት ቃል፣ ስድስት ወንዶችና ሦስትሴቶች በነውጠኞቹ ሲገደሉ ሌሎች ሁለት መቁሰላቸውን ተናግረዋል።

ይህ በእንዲህ እንዳለ፣ የዩናይትድ ስቴትስ ጦር ኃይል በታች ሸበሌ ክልል አል-ሻባብ ላይ አራትአዳዲስ የአየር ጥቃቶችን ማካሄዱ ተገለፀ።

የዩናይትድ ስቴትስ የአፍሪካ ጦር አዛዥ እንደገለፁት፣ ሁለት የነውጠኛው ቡድን ተዋጊዎች የተገደሉበት የጦር ኃይሉ የአየር ጥቃት ያነጣጠረው፣ የአል-ሻባብ ተቋማት በሚያገኛቸው ሥፍራዎች ነው።

ተጨማሪ ይጫኑ

XS
SM
MD
LG