በቀላሉ የመሥሪያ ማገናኛዎች

ዜና

እአአ 2020 በሚካሄደው ፕሬዚዳንታዊ ምርጫ የፓርቲያቸው ዕጩ ሆነው ለመመረጥ የሚፎካከሩት ዲሞክራቶች ዛሬ አምስተኛቸውን ክርክር ያካሄዳሉ።

በደቡባዊቱ የዩናይትድ ስቴትስ ጆርጂያ ክፍለ ግዛት አትላንታ ከተማ በሚከናወነው ክርክር የሚካፈሉት አስሩ ተፎካካሪዎች ብዛት ካላቸው ተፎካከሪዎች መካከል ጠንከር ብለው ብቅ ለማለት የሚሞክሩበት ይሆናል።

በሀገርቀፍ የህዝብ አስተያየት ግምገማዎች መደዳውን ግንባር ቀደሙን ቦታ ይዘው የቆዩት የቀድሞው ምክትል ፕሬዚዳንት ጆ ባይደን ሴኔተር ኤሊዛቤት ዋረን እና ሴኔተር በርኒ ሳንደርስ በዛሬ ማታው ክርክር ይካፈላሉ።

በቅርቡ በአይዋ እና በኒው ሃምፕሽየር ክፍለ ግዛቶች የተካሄዱት የመራጮች ዝንባሌ ግምገማዎች የኢንዲያና ሳውዝ ቤንድ ከተማው ከንቲባ ፒት ቡቲጂጅን ከግንባር ቀደሞቹ ውስጥ ጨምረዋቸዋል።

ሁለቱ ክፍለ ግዛቶች የዕጩ መረጣ የሚካሄድባቸው የመጀመሪያዎች ቦታዎች ስለሚሆኑ በምርጫው ሂደት የጎላ ቦታ ይኖራቸዋል። የአይዋው የመረጣ ጉባኤዎች የካቲት ሶስት የኒው ሃምፕሻይሩ ቅድመ ምርጫ ደግሞ የካቲት 11 ይካሄዳል።

ፎቶ ፋይል

ኮንጎ ዲሞክራሲያዊት ሪፖብሊክ ውስጥ ብዛት ያላቸው የጦርነት ወንጀል አድራጎቶች በመፈፀም የተወነጀለ የጦር አበጋዝ በሀገሪቱ ፍርድ ቤት የዕድሜ ልክ እስራት ተፈርዶበታል።

ኮኮዲኮኮ በሚል ቅፅል ስም የሚታወቀው ፍሬዴሪክ ማሱዲ አሊማሲ አስገድዶ በመድፈር መርዝ በመመረዝ በማሰቃየት በመግደል እና በወሲብ ባርነት በመያዝ ወንጀሎች ጥፋተኛ ሆኖ ተገኝቱዋል።

አንዲት የአስር ዓመት ልጅን ጨምሮ የተለያዩ ሰለባዎች የአሊማሲ ሚሊሽያ አባላት እንደደፈረዋቸው ለፍርድ ቤቱ ቃላቸውን ሰጥተዋል። ፍርድ ቤቱ ሊሎች ሁለት የሚሊሽያው አባላት የጥፋተኝነት ብይን የሰጠ ሲሆን ሌሎች ሁለት ደግሞ በነፃ ተለቀዋል።

የኮንጎው ፍርድ ቤት በተጨማሪም የሀገሪቱ መንግሥት ሰለባዎቹን ከጥቃት ባለመጠበቁ ካሳ እንዲከፍላቸው አዟል።

ተጨማሪ ይጫኑ

XS
SM
MD
LG