በቀላሉ የመሥሪያ ማገናኛዎች

ዜና

ጦር ኃይሎች ምክትል ኤታ ማዦር ሹም ጄነራል ብርሃኑ ጁላ

የሃገሪቱ ጦር ኃይሎች ምክትል ኤታ ማዦር ሹም ጄነራል ብርሃኑ ጁላ ስለ ሕገ ወጥ የመሳሪያ ዝውውርና ስለ መከላከያ ዩኒፎርም ተጠይቀዋል። ምዕራብ ኦሮሚያ፣ ምዕራብ ጎንደርና ትግራይ መከላከያው የወሰደው እርምጃና ያሳየው ትዕግስት አድሎአዊ ነው ስለመባሉም ተጠይቀዋል።

“ኢትዮጵያ ውስጥ ያለውን ያለመረጋጋት አጋጣሚ በመጠቀም ራሳቸውን በገንዘብ ማበልፀግ የሚፈልጉ ሰዎች በጦር መሣሪያ ንግድ ላይ ተሠማርተው ተገኝተዋል” ሲሉ የሃገሪቱ ጦር ኃይሎች ምክትል ኤታ ማዦር ሹም ጄነራል ብርሃኑ ጁላ ለቪኦኤ ገልፀዋል። ይህ ሁኔታም በተለያየ ቦታ “ሕገወጥ የመሣሪያ ዝውውር እንዲኖር መንገድ ከፍቷል” ብለዋል።

ለሁለቱም ችግሮች መፍትኄ ለማግኘት መንግሥታቸው እየሠራ መሆኑን የጦር አዛዡ ተናግረዋል። ጄኔራል ብርሃኑ በሃገሪቱ የፀጥታ ሁኔታ ላይ በዚህ ሣምንት ፓርላማው ፊት ቀርበው የሰጡትን ማብራሪያ፤ በሌላ በኩል ደግሞ በምዕራብ ኦሮምያ፣ በትግራይና በአማራ ክልሎች ውስጥና በመካከላቸውም ያለውን የፀጥታ ሁኔታ አስመልክቶ መሥሪያ ቤታቸው ሰሞኑን ስለሚሠነዘሩበት ወቀሳዎች፤ እንዲሁም ካለመረጋጋቱ ጋር ተያይዞ ‘የአዲሱ ጠቅላይ ሚኒስትር አስተዳደር አገሪቱን መምራት አቅቶታል’ እየተባለ ስለሚወራው ጉዳይ ተጠይቀው ምላሽ ሰጥተዋል።

(ዝርዝሩን ከተያያዘው የድምፅ ፋይል ያዳምጡ)

"መከላከያው የኔ አይደለም የሚለው ሕዝብ የለውም" - ምክትል ኤታ ማዦር ሹም ጄነራል ብርሃኑ ጁላ
please wait

No media source currently available

0:00 0:17:06 0:00

ሜጀር ጀነራል ክንፈ ዳኘው

ከ319 ሚሊዮን ብር በላይ ጉዳት በመንግሥት ላይ አድርሰዋል ባላቸው ስምንት ግለሰቦች ላይ የኢትዮጵያ ጠቅላይ አቃቤ ሕግ ክሥ መሠረተ።

ከ319 ሚሊዮን ብር በላይ ጉዳት በመንግሥት ላይ አድርሰዋል ባላቸው ስምንት ግለሰቦች ላይ የኢትዮጵያ ጠቅላይ አቃቤ ሕግ ክሥ መሠረተ።

በፌደራል ከፍተኛ ፍርድ ቤት ልደታ ምድም 15ኛ ወንጀል ችሎት የክሥ ዶሴ ዛሬ የተከፈተባቸው የብረታ ብረትና ኢንጂኔሪንግ ኮርፖሬሽን ዋና ዳይሬክተር የነበሩት ሜጄር ጄነራል ክንፈ ዳኘው፣ ብሪጋዲየር ጄነራል ጠና ቁርንዲ፣ ኮሎኔል ደሴ ዘለቀ፣ ኮሎኔል ጌትነት ጉድያ፣ ኮሎኔል ጎይቶም ከበደ፣ አቶ ቸርነት ዳና፣ እሌኒ ብርሃን እና ሮመዳን ሙሳ መሆናቸውን የሃገር ውስጥ የዜና አውታር የሆነው ፋና ብሮድካስቲንግ ዘግቧል።

ተከሣሾቹ የተመሠረቱባቸው ሥልጣንን ያለአግባብ በመጠቀም ፈፅመዋቸዋል የተባሉ ሰባት የሙስና ወንጀል ክሦች ሲሆኑ ሦስቱ ተከሣሾች ዛሬ ችሎት ፊት በአካል እንደልቀረቡም ዘገባው ጠቁሟል።

ተከሳሾች መቃዋሚያቸውን ለማቅረብ ተለዋጭ ቀጠሮ እንዲሰጣቸው የጠየቁ ሲሆን አቃቤ ህግም ማስረጃዎቼ ናቸው ብሎ በእንግሊዝኛ ቋንቋ ያቀረባቸው ሰነዶች ወደ አማርኛ ተተርጉመው በ10 ቀናት ውስጥ እንዲቀርቡ ችሎቱ አዝዞ ጉዳዩን ለጥር 17 / 2011 ዓ.ም መቅጠሩን ይኸው የፋና ዘገባ አመልክቷል።

ተጨማሪ ይጫኑ

XS
SM
MD
LG