በቀላሉ የመሥሪያ ማገናኛዎች

ዜና

የኦብነጉ ቀልቢ ዳጋ ተለቀቁ

አብዲካሪም ሙሴ /ቀልቢ ዳጋ/ - የኦብነግ የጦር አዛዥ /ፎቶ ፋይል/

የኢትዮጵያ መንግሥት አሥሯቸው የቆዩትን የኦጋዴን ብሄራዊ ነፃ አውጭ ግንባር /ኦብነግ/ የጦር አዛዥ አብዲካሪም ሙሴን ዛሬ መልቀቁን የአካባቢውን አዛውንት ጠቅሶ የቪኦኤ ሶማሊኛ አገልግሎት ዘግቧል።

የኢትዮጵያ መንግሥት አሥሯቸው የቆዩትን የኦጋዴን ብሄራዊ ነፃ አውጭ ግንባር /ኦብነግ/ የጦር አዛዥ አብዲካሪም ሙሴን ዛሬ መልቀቁን የአካባቢውን አዛውንት ጠቅሶ የቪኦኤ ሶማሊኛ አገልግሎት ዘግቧል።

ቀልቢ ዳጋ በሚል ተደራቢ ስም የሚታወቁት የኦብነጉ አዛዥ የተለቀቁት ዛሬ አዲስ አበባ ላይ ከጠዋቱ ሁለት ሰዓት መሆኑን ሡልጣን ፋውዚ ሞሐመድ አሊ የሚባሉ የታወቁ የሶማሌ ሽማግሌ ናቸው ለቪኦኤ የተናገሩት።

“ቀልቢ ዳጋ እንዲለቀቅ ፌደራል መንግሥቱ አዝዞ አሁን ያለው እኛ እጅ ላይ ነው” ብለዋል ሡልጣን ፋውዚ።

ቀልቢ ዳጋ በጥሩ የጤና ሁኔታ ላይ እንደሚገኙና ሕይወታቸውንም እዚያው ኢትዮጵያ ውስጥ እንደሚቀጥሉ የጠቆሙት ሡልጣን ፋውዚ ከኢትዮጵያ የመንግሥት ባለሥልጣናት ጋር ተገናኝተው እንደሚነጋገሩም አመልክተዋል።

ቀልቢ ዳጋ ከተለቀቁ በኋላ አዲስ አበባ ላይ ከሶማሌ የሃገር ሽማግሌዎች ጋር ደስታቸውን ሲካፈሉ የሚያሳዩ ፎቶዎችን አሠራጭተዋል።

አብዲካሪም ሙሴን /ቀልቢ ዳጋን/ ባለፈው ነኀሴ ለኢትዮጵያ መንግሥት አሳልፎ የሰጠው የሶማሌ መንግሥት እንደነበር መዘገቡ ይታወሣል።

በሌላ በኩል ግን ቪኦኤ ያነጋገራቸው የኦብነግ ቃል አቀባይ አብዱልቃድር ሃሰን ሂርሞጌ ስለቀልቢ ዳጋ መፈታት ግንባራቸው ገና የተረጋገጠ መረጃ እንደሌለው ጠቁመው “የኢትዮጵያ መንግሥት ለሃገር ሽማግሌ ሊሰጣቸው አይገባም ነበር፤ ስለደኅንነታቸው ኃላፊነት አለበት” ብለዋል።

ቀልቢ ዳጋ ዳዳብ-ኬንያ ከሚገኘው ቤተሰባቸው ጋር ቢቀላቀሉ ግንባራቸው እንደሚመርጥ ሂርሞጌ አክለው ተናግረዋል።

ተጨማሪ መረጃ ይዘን እንመለሣለን።

በቤንሻንጉል ክልል ግጭት አስር ሰዎች መሞታቸው ከ40 በላይ መቁሰላቸው ታውቋል።

በቤንሻንጉል ክልል ግጭት አስር ሰዎች መሞታቸው ከ40 በላይ መቁሰላቸው ታውቋል።

የክልሉ ፕሬዝዳንት በአሶሳ አምስት በአብሽር ቆሌ ደግሞ አራት ሰው በድምሩ የዘጠኝ ሰው ህይወት አልፏል ብለዋል።

የአሶሳ ከተማ ከንቲባ ደግሞ በአሶሳ የስድስት ሰው ሕይወት ማለፉን ተናግረዋል።

ከክልሉ ፍትህና ፀጥታ አስተዳደር ቢሮ የወጣው መረጃ ደግሞ አስር ሰዎች መሞታቸውን ያመለክታል።

ጽዮን ግርማ ነዋሪዎች፣ የክልሉን ፕሬዝዳንትና የአሶሳ ከተማ ከንቲባን አነጋግራ ተከታትዩን አጠናቅራለች።

(ዝርዝሩን ከተያያዘው የድምፅ ፋይል ያድምጡ)

የቤንሻንጉል ጉምዝ ክልል ጥቃትና ግጭት
please wait

No media source currently available

0:00 0:07:49 0:00

ተጨማሪ ይጫኑ

XS
SM
MD
LG