በቀላሉ የመሥሪያ ማገናኛዎች

ዜና

ከአምስት አመት ተኩል እስር በኋላ ቅዳሜ ዕለት ከእስር የተፈታው አሸናፊ አካሉ።

አሸናፊ አካሉ በምዕራብ ጎጃም ሜጫ ወረዳ መራዊ ከተማ ውስጥ በገንዘብና ኢኮኖሚ ልማት ጽሕፈት ቤት የግዢ ኃላፊ በነበረበት ወቅት በሽብር ወንጀል ተከሶ መታሰሩን ይናገራል። በእስር ላይ በነበረበት ወቅትም አሰቃቂ ድብደባ እንደተፈፀመበት ይናገልፃል።

በተለያዩ የወንጀል ሕጎችና አንቀፆች ተከሰውና ተፈርዶባቸው በእስር ላይ የነበሩ በዐስር ሺዎች የተቆጠሩ የፖለቲካ እስረኞች ከኢትዮጵያ እስር ቤቶች መፈታት ከጀመሩ ወራት ተቆጥረዋል።

ባሳለፍነው አርብና ቅዳሜ በዩኒቨርስቲ ትምሕርትና በሥራ ላይ የነበሩ ወጣቶች ከእስር ተለቀዋል።

እነዚህ ከእስር የተለቀቁት ወጣቶች እስር ቤት ውስጥ የነበራቸው የአያያዝ ሁኔታ ሰብዓዊ መብታቸውን በእጅጉ የጣሰና በምርመራ ወቅት ከፍተኛ የማሰቃየት ተግባር እደተፈፀመባቸው እየገለጹ ነው።

ወጣቶቹ ከእስር መፈታት በኋላ ስለሚኖራቸው ሕይወት የተወሰኑትን ጠይቀናቸዋል። በትናንትናው ምሽት ዘገባችን ከፍያለው ተፈራ ስለተባለው ሁለት እግሮቹን ስላጣው ወጣት ታሪክ ዘገባ አቅርበን ነበር።

ዝግጅቱን ያጠናቀረችው ጽዮን ግርማ ለዛሬ አሸናፊ አካሉ ስለተባለ ከአምስት አመት ተኩል እስር በኋላ ቅዳሜ ዕለት ከእስር ስለተለቀቀ የ34 ዓመት ወጣት ታሪክ አጠናቅራለች።

ሙሉውን ከተያያዘው የድምፅ ፋይል ያዳምጡ።

“ራቁቴን ተገርፌያለሁ” - አሸናፊ አካሉ
please wait

No media source currently available

0:00 0:10:12 0:00

ጠቅላይ ሚኒስትር አብይ አሕመድ በሀዋሳ

የመልካም አሰተዳደር ችግር ከአድራጎቶቻቸው ሊጠበቁ የሚገባቸው የፖለቲካ ነጋዴዎች የሚፈጥሩት ነው ሲሉ ጠቅላይ ሚኒስትር አብይ አሕመድ ዛሬ ተናግረዋል።

የመልካም አሰተዳደር ችግር ከአድራጎቶቻቸው ሊጠበቁ የሚገባቸው የፖለቲካ ነጋዴዎች የሚፈጥሩት ነው ሲሉ ጠቅላይ ሚኒስትር አብይ አሕመድ ዛሬ ተናግረዋል።

ለአሥራ አምስት ሰው ሕይወት መጥፋት ምክንያት በሆኑ የደቡብ ብሄር፣ ብሄረሰቦችና ሕዝቦች ክልል ሦስት ከተሞች ውስጥ ሰሞኑን የተፈጠሩ ግጭቶችን አስመልክቶ ከከተሞቹ ነዋሪዎች ጋር ለመወያየትና የጋራ መፍትኄ ለማፈላለግ እዚያው የሚገኙት ጠቅላይ ሚኒስትር አብይ ዛሬ ከሃዋሣና ከወላይታ ሶዶ ነዋሪዎች ጋር ውለዋል።

“የሲዳማ ሕዝብ ጠላቶች” ብለው የጠሯቸውን በፊቼ ጨምበላላ በዓል ወቅት ደም የፈሰሰበት ግጭት እንዲፈጠር ምክንያት የሆኑ ሰዎችን ከሕዝቡ ጋር ሆነው ለፍርድ ለማቅረብ እንደሚሠሩም ጠቅላይ ሚኒስትሩ ተናግረዋል።

እሥረኞችን በመልቀቅ በኩልም በፌደራል ደረጃ እየተከናወኑ ያሉ ሥራዎችን አንስተው የደቡብ ሕዝቦች ክልልም በዚህ በኩል ሊንቀሳቀስ እንደሚገባው አሳስበዋል።

ሲዳማ በክልል ደረጃ እንዲዋቀር ሃዋሣ ላይ ለቀረበላቸው ጥያቄ መልስ ሲሰጡ ሕዝቡ ጥያቄውን እንዲያነሣ ሕገመንግሥቱ እንደሚፈቅድ አመልክተው ክልል መሆን ለምን እንዳስፈለገ በሚገባ እንዲወያዩ መክረዋል።

በፌደራል ደረጃም በጥያቄው ላይ እንደሚወያዩ የጠቆሙት ጠቅላይ ሚኒስትር አብይ በሕገመንግሥታዊ አግባብ እንዲቀርብና ሕገመንግሥታዊ መፍትኄም እንደሚፈለግለት ገልፀዋል።

ጠቅላይ ሚኒስትሩ ወላይታ ሶዶ ከተለያዩ የኅብረተሰብ ክፍሎች ተጠሪዎች ጋር ያደረጉትን ውይይትም ዛሬ ያጠናቀቁ ሲሆን ነገ ወደ ወልቂጤ ሄደው በተመሣሣይ ሁኔታ እንደሚነጋገሩ የመንግሥትና ከገዥው ፓርቲ ጋር ቁርኝት ያላቸው መገናኛ ብዙኃን ዘግበዋል።

ለተጨማሪ የተያያዘውን የድምፅ ፋይል ያዳምጡ።

ጠቅላይ ሚኒስትሩ ደቡብ ውለው እዚያው አደሩ
please wait

No media source currently available

0:00 0:11:17 0:00

ተጨማሪ ይጫኑ

XS
SM
MD
LG