በቀላሉ የመሥሪያ ማገናኛዎች

ዜና

አብይ አሕመድ ሞቃዲሾ ነበሩ

የሶማሊያ ፕሬዚዳንት ሞሐመድ አብዱላሂ /ፎርማጆ/ የኢትዮጵያን ጠቅላይ ሚኒስትር አብይ አሕመድን ሞቃዲሾ አደን አብዱሌ አይሮፕላን ጣቢያ ተገኝተው በተቀበሉበት ወቅት፤ /ቅዳሜ፤ ሰኔ 9/2010 ዓ.ም/

የኢትዮጵያ ጠቅላይ ሚኒስትር አብይ አሕመድና የሶማሊያ ፕሬዚዳንት ሞሐመድ አብዱላሂ /ፎርማጆ/ በሁለቱ ሃገሮቻቸው መካከል ያሉትን ወንድማዊ ግንኙነቶች ለማጠናከር ዛሬ ተስማምተዋል።

የኢትዮጵያ ጠቅላይ ሚኒስትር አብይ አሕመድና የሶማሊያ ፕሬዚዳንት ሞሐመድ አብዱላሂ /ፎርማጆ/ በሁለቱ ሃገሮቻቸው መካከል ያሉትን ወንድማዊ ግንኙነቶች ለማጠናከር ዛሬ ተስማምተዋል።

የሶማሊያ ፕሬዚዳንት ሞሐመድ አብዱላሂ /ፎርማጆ/ና የኢትዮጵያን ጠቅላይ ሚኒስትር አብይ አሕመድ /ሞቃዲሾ ፤ ቅዳሜ፤ ሰኔ 9/2010 ዓ.ም/
የሶማሊያ ፕሬዚዳንት ሞሐመድ አብዱላሂ /ፎርማጆ/ና የኢትዮጵያን ጠቅላይ ሚኒስትር አብይ አሕመድ /ሞቃዲሾ ፤ ቅዳሜ፤ ሰኔ 9/2010 ዓ.ም/

ጠቅላይ ሚኒስትር አብይ ለአንድ ቀን ጉብኝት ዛሬ /ቅዳሜ፤ ሰኔ 9/2010 ዓ.ም./ ሞቃዲሾ አደን አብዱሌ አይሮፕላን ጣቢያ ሲደርሱ ፕሬዚዳንት ሞሐመድ /ፎርማጆ/ እዚያው ተገኝተው የተቀበሏቸው ሲሆን ሁለቱ መሪዎች ቆንስላዎችንና የንግድ ቢሮዎችን ሁለቱም ሃገሮች ውስጥ መክፈትን ጨምሮ ዲፕሎማሲያዊና የንግድ ግንኙነቶቻቸውን ለማጠናከር፣ እንዲሆም በምጣኔ ኃብቶቻቸው መስፋፋት ላይ ጫኖ ሊያሳድሩ የሚችሉ ሁሉንም መሰናክሎች ለማንሳት ወስነዋል።

የሁለቱ መሪዎች ዋነኛ ትኩረት የምጣኔ ኃብት ዕድገትና የሁለቱንም ሃገሮች መዋዕለ ነዋይ ማስፋት ቢሆንም በማንኛውም ገፅታ የሚከሰት ሽብር ፈጠራን አውግዘው ሽብርተኝነትንና ድንበር ዘለል የፀጥታ ችግሮችን በጋራ ለመጋፈጥ ተስማምተዋል።

በዶ/ር አብይ አሕመድ ደረጃ ያለ የኢትዮጵያ መሪ ሶማሊያን ለመጨረሻ ጊዜ የጎበኘው የዛሬ አሥራ አንድ ዓመት ሶማሊያን ለጥቂት ወራት ተቆጣጥሮ ያስተዳደረውን የእሥላማዊ ችሎቶች መንግሥት ከሥልጣን ለማባረር ኢትዮጵያ ቁልፍ ሚና ከተጫወተች በኋላ ወደዚያው የሄዱት የወቅቱ ጠቅላይ ሚኒስትር መለስ ዜናዊ ነበሩ።

የኢትዮጵያው ጠቅላይ ሚኒስትር ዛሬ ሞቃዲሾ ሲገቡ የፀጥታ ጥበቃው እጅግ የተጠናከረ እንደነበርና መንገዶች ሁሉ መዘጋቸው ተዘግቧል።

ኢትዮጵያ በአፍሪካ ኅብረቱ የሶማሊያ የሰላም ጥበቃ ኃይል - አሚሶም ውስጥ አራት ሺህ ሁለት መቶ ወታደሮቿን አሠማርታለች።

አብይ አሕመድ በሞቃዲሾ
please wait

No media source currently available

0:00 0:03:35 0:00

አሉላ ሰለሞን እና አቶ ጀዋርን ማሃመድ

"ኢህአዴግ እንደ ድርጅት አራቱ ድርጅቶች የራሳቸውን ድርሻ በመንግስት የሥራ ኃላፊነት ላይ አስቀምጠው ተግባብተው ወጥተዋል።.. ለኢህአዴግ ተገዥ እንሁን ነው በአጭሩ።" አቶ አሉላ ሰለሞን በሰሜን አሜሪካ የትግራይ ተወላጆች ማሕበር ዳይሬክተር። ይሄ መግለጫ ወዲያ ወዲህ መያዝ አያስፈልገውም። በጠቅላይ ሚንስትሩ ላይ የተደረገ ተግሳጽ፤ ከፍ ካለ ደግሞ እንደ ዛቻ ነው መታየት ያለበት።” አቶ ጀዋርን ማሃመድ የኦሮሞ ሚዲያ ኔትወርክ ዳይሬክተር።

የሕወአት መግለጫ አንድምታና የሁለት ወገን ዕይታዎች - ክፍል አንድ
please wait

No media source currently available

0:00 0:13:50 0:00
የሕወአት መግለጫ አንድምታና የሁለት ወገን ዕይታዎች - ክፍል ሁለት
please wait

No media source currently available

0:00 0:13:16 0:00

የኢትዮጵያና ኤርትራን የድንበር ውዝግብ፣ እንዲሁም የመንግስት ድርጅቶችን ወደ ግል ይዞታ ለማዛወር የተያዘውን ሃሳብ ጨምሮ የኢትዮጵያ መንግስት የደረሰበትን ውሳኔ ተከትሎ የሕወሃት ማዕከላዊ ኮሚቴ ባለፈው ረቡዕ ያወጣው መግለጫ አሁንም በስፋት እያነጋገረ ነው።

የሁለት ወገን ዕይታ በመግለጫው ይዘት እና አንድምታ፣ እንዲሁም ሌሎች የወቅቱን የፖለቲካ ይዞታ የሚያስቃኙ ጭብጦች ዙሪያ ትኩረት ያደርጋል። እሰጥ-አገባ።

ተጨማሪ ይጫኑ

XS
SM
MD
LG