በቀላሉ የመሥሪያ ማገናኛዎች

ዜና

prisoners released

የኦሮምያ ክልላዊ መንግሥት ዛሬ 7ሺህ 6መቶ አሥራ አንድ የሕግ ታራሚዎችን በይቅርታ ፋቷል። 7ሺህ 183 ወንዶች፣ 428 ደግሞ ሴቶች መሆናቸውም ታውቋል።

የኦሮምያ ክልላዊ መንግሥት ዛሬ 7ሺህ 6መቶ አሥራ አንድ የሕግ ታራሚዎችን በይቅርታ ፋቷል። 7ሺህ 183 ወንዶች፣ 428 ደግሞ ሴቶች መሆናቸውም ታውቋል።

ለሕግ ታሪሚዎቹ ይቅርታ ያደረጉት ርዕሰ መስተዳድሩ አቶ ለማ መገርሳ፣ የፖለቲካ ምኅዳሩን ለማስፋት በተያዘው ጥረት መሠረት ይህ ይቅጥላል ማለታቸው ተዘግቧል።

መስተዳድሩ ባለፈው መስከረም ወር 2010 ዓ.ም 6ሺህ 655 እስረኞችን መፍታቱም ታውቋል። በታኅሣሥ ወር 2009 ዓ.ም ደግሞ 6,430 የሕግ ታራሚዎች በይቅርታ ተለቀዋል ተብሏል።

በሌላ በኩል ደግሞ የትግራይ ክልላዊ መንግሥት ከ2 ሺህ በላይ እስረኞችን በይቅርታ ለመልቀቅ እንደወሰነ፣ የክልሉ የሕዝብ ግንኙነት አቶ ረደኢ ሀለፎም ለቪኦኤ ገለጹ።

አቶ ረዳኢ፣ እስረኞቹን መፍታት በየዓመቱ ግንቦት ሃያ የሚፈፀም ነው ብለው፣ 54 ሴቶች የሚገኙባቸው 2ሺህ 2መቶ የሕግ ታራሚዎች ባሳዩት መልካም ፀባይ እንዲፈቱ ተወስኗል ሲል፣ ዓለም ፍሥሐ ከመቀሌ ዘግቧል።

የዩናይትድ ስቴትሱ ፕሬዚዳንት ዶናልድ ትረምፕ፤ በመጭው ሰኔ አምስት ቀን ሲንጋፖር ውስጥ ከሰሜን ኮሪያው መሪ ኪም ዦንግ ኡን ጋር ሊያደርጉ የታቀደውን ውይይት ሰረዙት። ይህንንም ለሰሜን ኮሪያው መሪ በላኩት ደብዳቤ መግለፃቸው ታውቋል።

የዩናይትድ ስቴትሱ ፕሬዚዳንት ዶናልድ ትረምፕ፤ በመጭው ሰኔ አምስት ቀን ሲንጋፖር ውስጥ ከሰሜን ኮሪያው መሪ ኪም ዦንግ ኡን ጋር ሊያደርጉ የታቀደውን ውይይት ሰረዙት። ይህንንም ለሰሜን ኮሪያው መሪ በላኩት ደብዳቤ መግለፃቸው ታውቋል።

ትረምፕ ለፕሬዚዳንት ኪም ከዋይት ሀውስ በተላከ ደብዳቤያቸው፣ “ከእርስዎ ጋር ለመገናኘር በጣሙን ፈልጌ ነበር” ሲሉ ይጀምሩና፣ በመቀጠልም፣ “ሆኖም በቅርቡ ባሰራጩት ግልጥ የጥላቻና አናዳጅ መግለጫዎ ምክያት፣ ይህን ለረዥም ጊዜ ያቀድነውን ውይይት ለማካሄድ ወቅቱ አሁን አይደለም፣ አዝናለሁ» ብለዋል።

ፕሬዚዳንት ትረምፕን ያስቆጣቸው የመጨረሻው ከሰሜን ኮሪያ ምክትል የውጩ ጉዳይ ሚኒስትሯ Choe Son Hui ዛሬ ጧት፣ የዩናይትድ ስቴትሱን ምክትል ፕሬዚዳንት ማይክ ፔንስን “የፖለቲካ ደደብ” ብለው በመሳደባቸው መሆኑም ተገልጿል።

የዋይት ሀውስ ባለሥልጣናት በሰጡት መግለጫ፣ ሰሜን ኮሪውያን ፈቃደኛነቱ ካላቸውና አሁን የተያያዙትን ስድብና ኃይለ ቃል ካቆሙ፣ “ወደ ድርድሩ የመግቢያ በር ሁሌም ክፍት ነው” ብለዋል።

ተጨማሪ ይጫኑ

XS
SM
MD
LG