በቀላሉ የመሥሪያ ማገናኛዎች

ዜና

የእንግሊዝን ንጉሣዊ ቤተሰብ ይዘት እስከወዲያኛው የለወጠው የልዑል ሃሪና የሜጋን ሜርከል ጋብቻ እጅግ በደመቀ ሥነ-ሥርዓት ዛሬ ተከናውኗል።

የእንግሊዝን ንጉሣዊ ቤተሰብ ይዘት እስከወዲያኛው የለወጠው የልዑል ሃሪና የሜጋን ሜርከል ጋብቻ እጅግ በደመቀ ሥነ-ሥርዓት ዛሬ ተከናውኗል።

ከለንደን ወጣ ብላ በምትገኘው ዊንድሶር ከተማ በተከናወነው ሥነ-ሥርዓት ላይ ሙሽራዪቱን ይዘው እልጃቸው ሃሪ ዘንድ ያደረሱት ልዑል ቻርልስ ናቸው።

ልዑል ቻርልስ የልጃቸውን እጮኛ ወደ ቃልኪዳን መለዋወጫው ሲወስዱ
ልዑል ቻርልስ የልጃቸውን እጮኛ ወደ ቃልኪዳን መለዋወጫው ሲወስዱ

የሜጋን አባት ታመስ ሜርክል በጤና ምክንያት በሥነ-ሥርዓቱ ላይ ሳይገኙ ቀርተዋል።

ዛሬ የሰሲክስን መስፍን፣ የቀድሞውን የዌልስ ልዑል ሃሪን ስታገባ የእንግሊዝ ንጉሣዊ ቤተሰብ አባል የሆነችው አሜሪካዊቱ የቀድሞ ተዋናዪት፣ አሁን የሰሲክስ ሰፋኒት ሜጋን ሜርክል የተገኘችው ከአሜሪካዊያኑ ነጭ አባቷ ታመስ ሜርክል እና ጥቁር እናቷ ዶሪያ ሬግለንድ ነው።

የ31 ዓመቷ ልዕልት ሜጋን ሜርክል የተወለደችውና ያደገችው በካሊፎርኒያዪቱ ሎስ አንጀለስ ከተማ ሲሆን /እአአ/ ከ2011 እስከ 2013 ዓ.ም. ለሁለት ዓመታት ያህል የቆየ የቀደመ ትዳር ነበራት።

የሰሲክስ መስፍን ልዑል ሃሪና የሰሲክስ ሰፋኒት ሜጋን ሜርከል
የሰሲክስ መስፍን ልዑል ሃሪና የሰሲክስ ሰፋኒት ሜጋን ሜርከል

በዓለም ዙሪያ እንደትንግርት በታየው በዛሬው ሥነ-ሥርዓትና ድግሥ ላይ ከተጋበዙት ከሙሽሮቹ ጋር ቀጥተኛ ግንኙነት ያላቸው ናቸው ከተባሉ ስድስት መቶ ሠርገኞችና 2 ሺህ 500 ታዳሚዎች በተጨማሪ ሙምባይ-ሕንድ ውስጥ ከወር አበባ ጋር በተያያዙ ማኅበራዊ እንዲሁም የግልና የቤተሰብ አቅም ችግሮች ላይ የሚሠራ ግብረሰናይ ድርጅትም ተጋብዟል።

ሰፊ ዘገባ /በእንግሊዝኛ/ ለማግኘት፤ ለተጨማሪ ፎቶግራፎችና ቪድዮ ከታች የተያያዘውን ማገናኛ ይጫኑ፤ ወደ www.voanews.com ዘገባ ይወስድዎታል። https://www.voanews.com/a/prince-harry-meghan-markle-wed/4401036.html

ሼህ መሐመድ ሁሴን አል-አሙዲ

በሳዑዲ አረቢያ ሰሞኑን ያደረጉት ጉብኝት ካሳካቸው ጉዳዮች አንዱ ሼህ መሐመድ ሁሴን አል-አሙዲን ለማስፈታት ጫፍ ላይ መደረሱ መሆኑን ጠቅላይ ሚኒስትር አብይ አሕመድ አስታወቁ።

በሳዑዲ አረቢያ ሰሞኑን ያደረጉት ጉብኝት ካሳካቸው ጉዳዮች አንዱ ሼህ መሐመድ ሁሴን አል-አሙዲን ለማስፈታት ጫፍ ላይ መደረሱ መሆኑን ጠቅላይ ሚኒስትር አብይ አሕመድ አስታወቁ።

ጠቅላይ ሚኒስትሩ ከጉዟቸው እንደተመለሱ በሚሌንየም አዳራሽ በተካሄደ “የአስተሳሰብ መገንቢያና ማነቃቂያ” በሚል ርዕስ በተዘጋጀ መድረክ ላይ ባደረጉት ንግግር ለሳዑዲ አረቢያ አልጋወራሽ አሥር ጥያቄዎችን አቅርበዋ ዘጠኙ ወዲያው መልስ ማግኘታቸውን አመልክተዋል።

በሳዑዲ አረቢያ እሥር ቤቶች ውስጥ የነበሩ ከአንድ ሺህ በላይ ኢትዮጵያዊያንን ማስለቀቃቸውን ጠቅላይ ሚኒስትሩ ገልፀው ሼህ አል-አልአሙዲንም ቢሆን እንደሚፈቱላቸው አልጋወራሹ ሌሊት ላይ ቃል ገብተውላቸው እንደነበረና ይሁን እንጂ ከቤተባቸው አባላት በደረሰባቸው የበረታ ጫና ምክንያት ሃሣባቸውን መቀየራቸውንና ለጊዜው ባሰቡት መሠረት ይዘዋቸው መመለስ አለመቻላቸውን ተናግረዋል።

“የትም ቢሆን የአንድ ኢትዮጵያዊ መታሠር ሁሉም ቦታ የሁላችንም መታሠር ነውና በተለይ በውጭ ያሉ ኢትዮጵያዊያን ሁሉ አል-አሙዲ እንዲፈቱ ድምፃቸውን ከፍ አድርገው እንዲያሰሙ እጠይቃለሁ” ብለዋል ጠቅላይ ሚኒስትር አብይ አሕመድ።

ለተጨማሪ የተያያዘውን የድምፅ ፋይል ያዳምጡ።

አል-አሙዲ ‘በቅርብ ይፈታሉ’ የሚል ብርቱ ተስፋ እንዳላቸው አብይ አሕመድ አስታወቁ
please wait

No media source currently available

0:00 0:02:23 0:00

ተጨማሪ ይጫኑ

XS
SM
MD
LG