በቀላሉ የመሥሪያ ማገናኛዎች

ዜና

የሶሪያ ሰማይ - ሚያዝያ 5 ለ6 አጥቢያ 2010 ዓ.ም ማለዳ

ሶሪያ ላይ ትናንት የተካሄደው ጥቃት እጅግ የተዋጣ እንደነበርና ከዚህ በተሻለ ሁኔታ ሊከናወን እንደማይችል ዩናይትድ ስቴትስ ፕሬዚዳንት ዶናልድ ትረምፕ ዛሬ አስታውቀዋል።

ሶሪያ ላይ ትናንት የተካሄደው ጥቃት እጅግ የተዋጣ እንደነበርና ከዚህ በተሻለ ሁኔታ ሊከናወን እንደማይችል ዩናይትድ ስቴትስ ፕሬዚዳንት ዶናልድ ትረምፕ ዛሬ አስታውቀዋል።

ዶናልድ ትረምፕ፤ የዩናይትድ ስቴትስ ፕሬዚዳንት
ዶናልድ ትረምፕ፤ የዩናይትድ ስቴትስ ፕሬዚዳንት

ፕሬዚዳንቱ ዛሬ ባወጡት ትዊት “ተልዕኮው ተፈፅሟል!” ብለዋል። https://twitter.com/realDonaldTrump/status/985130802668294144?ref_src=twsrc%5Etfw&ref_url=https%3A%2F%2Fwww.voanews.com%2Fa%2Fus-britain-france-syria-chemical-weapons%2F4347934.html&tfw_site=voanews

ትረምፕ በሶሪያ ዒላማዎች ላይ የሃገራቸው፣ የእንግሊዝና የፈረንሣይ ጥምር ጥቃት መከፈቱን ትናንት ምሽት ላይ ዋይት ሃውስ ውስጥ ሲያሳውቁ የሦሪያ ጋሻ ጃግሬዎች መንግሥታት ካሏቸው መካከል ሩሲያንና ፕሬዚዳንቷን በተለይ አንስተው ወቅሰዋል።

“በ21013 ዓ.ም. (እአአ) የሩሲያው ፕሬዚዳንት ፑቲን እና መንግሥታቸው የሶሪያን ኬሚካል የጦር መሣሪያዎች ለማውደም ዋስትና ሰጥተዋል። አሳድ ሰሞኑን የፈፀሙት ጥቃትና ዛሬ እኛ የሰጠነው አፀፋ ፑቲን ያንን ቃላቸውን ያለመጠበቃቸው ውጤት ነው። ሩሲያ በዚህ የጨለማ መንገድ ከመቀጠልና እንደ ሰላምና መረጋጋት ኃይል የሰለጠነውን ዓለም ከመቀላቀል አንዱን መምረጥ አለባት” ብለዋል።

ይህ ካርታ አሜሪካ፣ እንግሊዝና ፈረንሣይ ሶሪያ ላይ ድብደባ የፈፀሙባቸውን ቦታዎች ያሳያል፤ ሚያዝያ 5 ለ6 አጥቢያ፣ 2010 ዓ.ም.
ይህ ካርታ አሜሪካ፣ እንግሊዝና ፈረንሣይ ሶሪያ ላይ ድብደባ የፈፀሙባቸውን ቦታዎች ያሳያል፤ ሚያዝያ 5 ለ6 አጥቢያ፣ 2010 ዓ.ም.

በመከላከያ መሥሪያ ቤቱ ውስጥ ማብራሪያ የሰጡት የመከላከያ ሚኒስትሩ ጄምስ ማቲስ ደግሞ “ወሣኝ እርምጃ” ሲሉ የጠሩት ይህ ጥቃት የባሻር አል አሳድን መንግሥት ‘የኬሚካል ትጥቅና አቅም አከርካሪ የሰበረ’ እንደሆነ ተናግረዋል።

“ዛሬ ከአጋሮቻችን ጋር ሆነን ያሳረፍንበት ዱላ አሳድና ነፍሰገዳይ አበጋዞቹ በተጠያቂነት ሊያዙ የሚችሉበትን ሌላ ኬሚካል ጥቃት እንዳይፈፅሙ ግልፅ መልዕክት ያስተላለፈ ነው” ብለዋል ሚኒስትሩ።

ባለፈው ሳምንት ዱማ ከተማ ላይ ተፈፅሟል የተባለውን የክሎሪን ጋዝ ጥቃት የምታስተባብለው የሩሲያ ፕሬዚዳንት ቭላዲሚር ፑቲን ግን የትናንት ምሽቱን ድብደባ “እጅግ ብርቱ በሆነ ሁኔታ” አውግዘው ለሶሪያ ይበልጥ የተራቀቁ የሚሣይል ትጥቆችን እንደሚልኩ አስታውቀዋል።

ቭላዲሚር ፑቲን፤ የሩሲያ ፕሬዚዳንት
ቭላዲሚር ፑቲን፤ የሩሲያ ፕሬዚዳንት

በትናንት ምሽቱ ጥቃት ወቅት ኤስ-100 እና ኤስ-200 የሚባሉ ሩሲያ ሠራሽ የሆኑ ፀረ-ሚሳይል ተምዘግዛጊዎች ወደ ሶሪያ ይተኮሱ የነበሩ በርካታ ቁጥር ያላቸውን ሚሳይሎች አየር ላይ እየቀለቡ አምክነዋል ሲል የሶሪያ መንግሥታዊ ቴሌቪዥን ዘግቧል።

ጀርመን፣ ካናዳ፣ አውስትራሊያና ጃፓን ሦስቱ ሃገሮች ትናንት ለፈፀሙት ጥቃት ድጋፋቸውን ሰጥተዋል። የአውሮፓ ኅብረት ምክር ቤት ፕሬዚዳንት ዶናልድ ተስክ “እኛ ከአጋሮቻችን ጋር ከፍትሕ ጎን እንቆማለን” ብለዋል። የሰሜን አትላንቲክ የጦር ትብብር ድርጅቱ ኔቶ ዋና ፀሐፊ የንስ ሽቶልተንበርግ “ኬሚካል መሣሪያን የሚጠቀም ሊጠየቅ ይገባል” ብለዋል።

በመንግሥታቱ ድርጅት የቻይና ቋሚ ተጠሪ ማ ዥአሁ ደግሞ በአካባቢው ውጥረት እንዲረግብና ነገሮች በጥንቃቄ እንዲያዙ አሳስበዋል።

በሌላ በኩል ደግሞ ሁሉም ወገኖች ለዓለምአቀፍ ሕግጋት እንዲገዙ የተባበሩት መንግሥታት ድርጅት ዋና ፀሐፊ አንቶኒዮ ጉቴሬዥ አሳስበዋል።

ከአረቡ ዓለም የተባበሩት ገረብ ኤምሬቶች፣ ሳዑዲ አረቢያና ካታር ለአሜሪካ መራሹ ጥቃት ድጋፋቸውን አሳውቀዋል።

ለተጨማሪ የተያያዘውን የድምፅ ፋይል ያዳምጡ።

“ሚሺን አካምፕሊሽድ!” - ትረምፕ - “የላቀ ሚሳይል እንልካለን” - ፑቲን
please wait

No media source currently available

0:00 0:05:44 0:00

የቪኦኤን የቪድዮ ዘገባ ለማየት ከታች ያለውን ማገናኛ ተጭነው ይከተሉ።

https://www.voanews.com/a/us-britain-france-syria-chemical-weapons/4348107.html

የዩናይትድ ስቴትስ ፕሬዚዳንት ዶናልድ ትረምፕ በሶሪያ ላይ ስለከፈቱት ጥቃት ዋይት ሃውስ ቤተመንግሥት ውስጥ ያደረጉትን ሙሉ ንግግር ከታች በተያያዘው ቪድዮ ፋይል ላይ ያገኛሉ።

https://www.voanews.com/a/us-britain-france-syria-chemical-weapons/4347857.html

የዩናይትድ ስቴትስ የመከላከያ ሚኒስት ጄምስ ማቲስና የጦር ኃይሎች ጠቅላይ ኤታ ማዦር ሹም ጆዜፍ ዳንፎርድ በመከላከያ መሥሪያ ቤቱ ውስጥ የሰጧቸውን ሙሉ ማብራሪያዎች ከከታች በተያያዘው ቪድዮ ፋይል ላይ ያገኛሉ።

https://www.voanews.com/a/us-britain-france-syria-chemical-weapons/4347884.html

የዩናይትድ ስቴትስ ፕሬዚዳንት ዶናልድ ትረምፕ በሶሪያ ላይ ጥቃት እንዲከፈት ማዘዛቸውን በገለፁበት ወቅት፤ /ዋይት ሃውስ ቤተመንግሥት - ዓርብ፤ ሚያዝያ 5/2010 ዓ.ም./

ዩናይትድ ስቴትስ፣ እንግሊዝና ፈረንሣይ በሶሪያ ላይ የከፈቱት የተቀናጀ ጥቃት እየተካሄደ መሆኑን ፕሬዚዳንት ትረምፕ አስታወቁ።

ዩናይትድ ስቴትስ፣ እንግሊዝና ፈረንሣይ በሶሪያ ላይ የከፈቱት የተቀናጀ ጥቃት እየተካሄደ መሆኑን ፕሬዚዳንት ትረምፕ አስታወቁ።

ጥቃቱ የተከፈተው ሩሲያ በቅርቡ ዱማ ላይ አድርሳዋለች ለተባለ የተከለከለ ኬሚካል ጥቃት ምላሽ መሆኑን ፕሬዚዳንት ትረምፕ ዋይት ሃውስ ውስጥ ከጥቂት ደቂቃዎች በፊት በሰጡት መግለጫ አስታውቀዋል።

በሁለተኛው የዓለም ጦርነት ወቅት ከአንድ ሚሊየን በላይ ሕይወት በኬሚካል ጦር መሣሪያዎች መጥፋቱን ያስታወሱት ፕሬዚዳንት ትረምፕ ያ ሁኔታ እንዲደገም ጨርሶ እንደማይፈቅዱ አስታውቀዋል።

ደማስቆ ላይ ጥቃቱ ከተከፈተ በኋላ - ዛሬ ምሽት
ደማስቆ ላይ ጥቃቱ ከተከፈተ በኋላ - ዛሬ ምሽት

የአሜሪካ ጦር ሶሪያ ውስጥ የሚቆይበትን ጊዜ ፕሬዚዳንቱ ባያሳውቁም ፕሬዚዳንት ባሻር አል አሳድ የኬሚካል ጥቃቶችን እስኪያቆሙ ዘመቻቸው እንደሚቀጥል ተናግረዋል።

ከሶሪያ መንግሥት ጋር ይተባበራሉ ላሏቸው የሩስያና የኢራን መንግሥታትም ከአድራጎታቸው እንዲታቀቡና ከምዕራቡ ኃይሎች ጋር እንዲተባበሩ ጠይቀዋል።

ማምሻውን ደማስቆ ውስጥ ከፍተኛ ፍንዳታዎች እየተሰሙ መሆናቸውን የተለያዩ የዜና አውታሮች እየዘገቡ ናቸው።

ሃገሮቹ ዛሬ በጀመሩት ዘመቻ ውስጥ ያሠማሩትን የሠራዊት ቁጥርና የጦር መሣሪያ ዓይነት ፕሬዚዳንቱ አላሳወቁም።

የዩናይትድ ስቴትስ መከላከያ ሚኒስትር ጄምስ ማቲስ፤ የጦር ኃይሎቿ ጠቅላይ ኤታ ማዦር ሹም ጄኔራል ጆዜፍ ዳምፎርድ እና ሌሎችም ከፍተኛ የጦር አዛዦች ማምሻውን መግለጫ ሲሰጡ ጥቃቱ የተፈፀመው ከዋሺንግተን ዲሲ ሰዓት ከምሽቱ ሦስት ሰዓት ወይም በአዲስ አበባ ጊዜ ከሌሊቱ አሥር ሰዓት ላይ እንደነበር አስታውቀዋል።

ጥቃቶቹ ደማስቆ አቅራቢያና ሆምስ ውስጥ በሚገኙ ሦስት ዒላማዎች ላይ ያነጣጠሩና ኬሚካል የጦር መሣሪያዎች ምርምርና ልማት እንዲሁም በመሠረተ-ልማቶቻቸው ላይ ያተኮሩ እንደነበሩ ባለሥልጣናቱ አስታውቀዋል።

ጥቃቶቹ የተካሄዱት አንድ ሰዓት ከአሥር ደቂቃ ለሆነ ጊዜ እንደነበርና ዒላማዎቻቸውን በተሣካ ሁኔታ መትተው ማውደማቸውንና ተልዕኮአቸውን ማጠናቀቃቸውን አስታውቀዋል።

የዩናይትድ ስቴትስ መከላከያ ሚኒስትር ጄምስ ማቲስ እና የጦር ኃይሎቿ ጠቅላይ ኤታ ማዦር ሹም ጄኔራል ጆዜፍ ዳምፎርድ በመከላከያ መሥሪያ ቤቱ በሶሪያ ላይ ስለተጣለው ጥቃት ጋዜጣዊ መግለጫ ሲሰጡ
የዩናይትድ ስቴትስ መከላከያ ሚኒስትር ጄምስ ማቲስ እና የጦር ኃይሎቿ ጠቅላይ ኤታ ማዦር ሹም ጄኔራል ጆዜፍ ዳምፎርድ በመከላከያ መሥሪያ ቤቱ በሶሪያ ላይ ስለተጣለው ጥቃት ጋዜጣዊ መግለጫ ሲሰጡ

ዘመቻዎቹ ከፍተኛ ጥንቃቄ የተደረገባቸውና ትክክለኛ እንደነበሩ ያስታወቁት የጦር አዛዦችና የመከላከያ መሥሪያ ቤቱ ባለሥልጣናት በሲቪሎችና በውጭ ሰዎች ላይ ሕይወት ላይ ጉዳት እንዳይደርስ በተቻለ መጠን የታሰበባቸው መሆኑንም አመልክተዋል።

የደረሰውን ጥፋት ስፋት ባለሥልጣናቱ በዝርዝር ባይገልፁም በተለዩት ዒላማዎች ላይ የተካሄደው ጥቃት በሶሪያ ኬሚካል የጦር መሣሪያን በማምረትና በማከማቸት አቅም ላይ ከፍተኛና ለተራዘመ ጊዜ የሚቆይ ጉዳት ያደረሰ መሆኑን አስረድተዋል።

ፕሬዚዳንቱ ጦራቸው ጥቃቱን እንዲከፍት ያዘዙት ስለሃገራቸው ደኅንነት ሲባል በሕገመንግሥቱ በተደነገገላቸው ሥልጣን መሠረት መሆኑን የመከላከያ ሚኒስትሩ ጄምስ ማቲስ ተናግረዋል።

ሶሪያም ሆነች አጋሯ ሩሲያ ለጥቃቱ ምላሽ አለመስጠታቸው የተገለፀ ሲሆን የጥቃቱ መቀጠልና መቆም የሚወሰነው ፕሬዚዳንት ባሻር አል አሳድ ኬሚካል የጦር መሣሪያን በመጠቀምና ባለመጠቀም እርምጃቸው እንደሚሆን ሚስተር ማቲስ አመልክተዋል።

በጥቃቱ ላይ የተሣተፉት የሦስቱ አጋር ሃገሮች የባሕርና የአየር ኃይሎች መሆናቸው ታውቋል።

መጭ ሁኔታዎችን በቅርብ እየተከታተልን እንዘግባለን።

ተጨማሪ ይጫኑ

XS
SM
MD
LG