በቀላሉ የመሥሪያ ማገናኛዎች

ዜና

ዛሬ ጠዋት በአዳማ ከተማ ቀበሌ 13 አቅራቢያ በሚገኛና በተለምዶ “የጨረቃ ቤት” እየተባለ የሚጠራ መንደርን ለማፍረስ በተሰማራ ግብረ ኃይልና በነዋሪዎቹ መካከል በተፈጠረ ግጭት የሰው ሕይወት መጥፋቱንና ሰዎችንም በታጣቂዎች መደብደባቸውን ነዋሪዎች ለአሜሪካ ድምፅ ገለፁ። ሟቾቹን በተመለከተ ከክልሉ መንግሥት ያገኘነው መረጃ የለም።

ስማቸውን እንዳንጠቅስ የጠየቁን በአካባቢው ነበርኩ ያሉ የዐይን እማኝ ለአሜሪካ ድምፅ እንደተናገሩት፤ ዛሬ ጠዋት ፖሊስና የመዘጋጃ ቤት ሠራተኞች ወደ ስፍራው ሄደው ነዋሪዎቹ እንዲወጡ ማደረጋቸውን ነው። “ነዋሪዎቹ ቤት የሚያፈርስ ግሬደር መኪና ሲመለከቱ በአንድ ጊዜ ቤት ሊፈርስባቸው እንደማይገባ ተራበሸ። ከዛ ቀስ በቀስ ተጋግሎ ወደ ተኩስ ተሸጋገረ።” ብሎናል።

ነገሩ እየተጋጋለ ሲሄድ የታጠቀ ኃይል እየተበራከተ መምጣቱን የሚናገረው ነዋሪው፤ “በረብሻው መካከል ሚሊቴሪ ኃይሎቹ ብዙ ሰዎችን ደበደቡ። በቁጥር መለየት ባልችልም ብዙ ሰው ቆስሏል። ሁለት ሰውም ተመቶ ሞቷል። አንዱ የቤት ባለቤት አንዱ ደግሞ እዛው ነዋሪ የነበረ ሰው ነው። ከዛ እዛ የነበሩ በተለይ አዛውንትና ሴቶች ሸሹ ወጣቶቹ ግን እየጮሁ ከተማውን መዞር ጀመሩ” ሲል በዛሬው ዕለት የነበረውን ሁኔታ አስረድቷል።

በመጨረሻ ቤቶቹ ባይፈርሱም ታጣቂዎቹ አካባቢውን በብዛት በመቆጣጠራቸው ሁኔታው መብረዱን ነዋሪው ገልፆ ቀስ እያሉ ግን እንነሱም እየተቀነሱ መሄዳቸውን ጠቁሟል። ሁኔታውን ለማጣራት የክልሉ የመንግሥት ኮሙዩኒኬሽን ጉዳዮች ኃላፊ አቶ አዲሱ አረጋን ለማግኘት ጥረት አድርገን አልተሳካም።

በነገው ምሽት የሬዲዮ ፕሮግራማችን በጉዳዩ ላይ ሰፋ ያለ ዘገባ ይዘን እንመለሳለን።

ፕሮፌሰር መሐመድ አባጀበል

ኢሚግራንቶች ለአሜሪካ ሸክም ሳይሆኑ ሃብት ናቸው ሲሉ የቴክሳሷ ዳላስ ውስጥ የምጣኔ ኃብት ምሁርና ፕሮፌሰር የሆኑት ዶ/ር መሐመድ ለአሜሪካ ድምፅ ገልፀዋል።

ኢሚግራንቶች ለአሜሪካ ሸክም ሳይሆኑ ሃብት ናቸው ሲሉ የቴክሳሷ ዳላስ ውስጥ የምጣኔ ኃብት ምሁርና ፕሮፌሰር የሆኑት ዶ/ር መሐመድ አባጀበል ለአሜሪካ ድምፅ ገልፀዋል።

“በአንፃራዊ ሁኔታ የፕሬዚዳንት ትረምፕ የትናንት አቀራረብ ጥሩ ነበር” ብለዋል ትውልደ ኢትዮጵያ አሜሪካዊ ምሁርና ፖለቲከኛው ዶ/ር መሐመድ።

ዲቪ ሎተሪ በፕሬዚዳንት ትረምፕ ጥያቄ መሠረት ይቀር ይሆን እንደሆነ ፕሮፌሰር መሐመድ ሲጠየቁ ከዘጠኝ ወራት በኋላ በሚካሄደው የአማካይ ጊዜ የተወካዮች ምክር ቤት ምርጫ ዴሞክራቶቹ አንዱን ወይም ሁለቱንም የምክር ቤቱን ክንፎች ከተቆጣጠሩ ይሠረዛል ብለው እንደማያስቡ አመልክተው አሁን ባለው ሁኔታ ውስጥ በአሜሪካ ፖለቲካ ውስጥ ማንኛውም ነገር የሚሸጥ ነውና የተሻለ የሚሉት መደራደሪያ ከቀረበላቸው ምናልባት ዴሞክራቶቹ እጅ ሊሰጡ ይሆናል የሚል ሃሣብ እንዳላቸው ገልፀዋል።

የአሜሪካ የአክስዮን ገበያዎች ታይተው የማይታወቁ ጣሪያዎችን መንካት የነጋዴው ትረምፕ ወደ መንበረ ፕሬዚዳንቱ የመዝለቃቸው የገበያው ሥነ‑ልቦና ውጤት ሊሆን ይችላል ብለው እንደሚገምቱም ዶ/ር መሐመድ ተናግረዋል።

ከዶ/ር መሐመድ አባጀበል ጣሂሮ ጋር የተደረገውንም ሙሉ ቃለ‑ምልልስ ከተያያዘው የድምፅ ፋይል ያዳምጡ።

ለተጨማሪ የተያያዘውን የድምፅ ፋይል ያዳምጡ።

ኢትዮ­­‑አሜሪካዊው ምሁር በትረምፕ ንግግር ላይ
please wait

No media source currently available

0:00 0:24:09 0:00

ተጨማሪ ይጫኑ

XS
SM
MD
LG