በቀላሉ የመሥሪያ ማገናኛዎች

ዜና

ረቡዕ 5 ታህሳስ 2018

Calendar
ታህሳስ 2018
ሰኞ ማክሰ ረቡዕ ሐሙስ ዓርብ ቅዳሜ እሑድ
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
የኢትዮጵያውያን ተራድዖ ባለ አደራ ምክር ቤት አማካሪዎች

"ይህ የTrust Fund ይህ ውጥን ገንዘብ ስለ ማሰባሰብ ብቻ አይደለም። ያሉንን የተለያዩ የሃይማኖት፣ የባሕልና የዘውግ መሠረቶቻችንን በመጠቀም፤ ልዩ-ልዩ ተሞክሮዎቻችንን ለላቀ ጥቅም ማዋል የምንችልበትን መንገድ መፍጠር ጭምር እንጂ" ዶ/ር መና አክሊሉ ደምሴ የመማክርት ጉባኤው ዋና ጸሃፊ።

አሥራ ስምንቱ የመማክርት ጉባኤው አማካሪዎች ከፊሉ የተሳተፉባቸው ሁለት መድረኮች መሰንበቻውን ዋሽንግተን ዲሲ ላይ ተስተናግደዋል።

በአካባቢው ነዋሪ ከሆኑ ኢትዮጵያውያንና ትውልደ-ኢትዮጵያውያን ጋር የተወያይው ምክር ቤት በዓለም አቀፍ ደረጃ ገንዘብ ማሰባሰብ የሚያስችል ፈቃድ የሚያገኝበትን ሕጋዊ ሕልውና ጨምሮ ሥራውን በብቃት ለማከናወን የሚያግዙ ልዩ ልዩ ሥራዎችን ሲሠራ መቆየቱን አስታውቋል።

የድርጅቱን የዕለት-ተዕለት ሥራ የሚያስፈጽምና በዲሬክተሮች ቦርድ የሚመራ ጽ/ቤት ስለሚቋቋምበት ሁኔታ፤ የሚሰበሰበው የአደራ ገንዘብ ለምን ዓይነት ሥራዎች እንደሚውል ስለሚታቀድበት ግልጽነትና ተዓማኒነት ያለው አሠራር፤ ስለ ወጣቶች የጎላ ተሳትፎና በቴክኖሎጂ የሚደገፉ አዳዲስ ቀልጣፋ አሠራሮችን ለማስተዋወቅ ያላቸውን ውጥን አስመልክቶ ገለጻ አድርጓል።

በረሃብና ቸነፈር የሚሰቃዩ ሕጻናትን እምባ ለማበስ በአንድ ብር እርዳታ ተፈትነናል” ሲል የጥያቄውን ምንነት ያስረዳው ደግሞ በጋዜጣዊ መግለጫው ከተሳተፉት የአማካሪ ቡድኑ አባላት አንዱ አርቲስት ታማኝ በየነ ነው።

ለተጨማሪ የተያያዘውን የድምፅ ፋይል ያዳምጡ

የኢትዮጵያውያን ተራድዖ ባለ አደራ ምክር ቤት አማካሪዎች የወራት ክንውንና የነገ ትልሞች
please wait

No media source currently available

0:00 0:10:30 0:00

ሰሞኑን ላረፉት የዩናይትድ ስቴትስ አርባ አንደኛ ፕሬዚዳንት ለነበሩት ለጆርጅ ኧርበርት ዋከር ቡሽ አሸኛኘት እየተደረገ ነው። አስከሬናቸው በብሄራዊው ካቴድራል አርፎ የፀሎትና የዝክር ሥነ-ሥርዓት ተካሂዷል።

ሰሞኑን ላረፉት የዩናይትድ ስቴትስ አርባ አንደኛ ፕሬዚዳንት ለነበሩት ለጆርጅ ኧርበርት ዋከር ቡሽ አሸኛኘት እየተደረገ ነው። አስከሬናቸው በብሄራዊው ካቴድራል አርፎ የፀሎትና የዝክር ሥነ-ሥርዓት ተካሂዷል።

በፀሎትና በሽኝቱ ሥነ-ሥርዓት ላይ የአሁኑን ፕሬዚዳንት ዶናልድ ትረምፕንና ባለቤታቸውን ሜላኒያ ትረምፕን ጨምሮ በሕይወት ያሉ የቀደሙ ፕሬዚዳንቶች ሁሉ ከነባለቤቶቻቸው ተገኝተዋል።

ከሌሎች ሃገሮችም የጀርመን ቻንስለር አንጌላ መርከል፤ የዮርዳኖስ ንጉሥ አብዱላ፣ የፖላንድ ፕሬዚዳንት አንድሬ ዱዳ፣ የታላቋ ብሪታንያ ልዑል ቻርልስ ከኀዘንተኛው መካከል ናቸው።

George HW Bush
George HW Bush

ቃለ-ዝክር የሰጡት የመጀመሪያ ልጃቸው አርባ ሦስተኛው ፕሬዚዳንት ጆርጅ ዋከር ቡሽ /ትንሹ/፣ የካናዳ የቀድሞ ጠቅላይ ሚኒስትር ብራያን መልሮኒ፣ የዩናይትድ ስቴትስ የቀድሞ ሴናተር አለን ሲምፕሰን እና የትልቁ ቡሽ የራሣቸው የሕይወት ጉዞ መዝጋቢ የሆኑት የታሪክ ሊቅ ጆን ማቼም ናቸው።

ዛሬ ብሄራዊ የኀዘን ቀን ሆኖ በመላ ዩናይትድ ስቴትስ እንዲታሰብና ፌደራል መንግሥቱም ግዝ ሆኖ እንዲውል ፕሬዚዳንታዊ ትዕዛዝ ያወጡት ሚስተር ትረምፕ በትዊተር ባስተላለፉት መልዕክት ዕለቱን “የሃሴት ቀን” ብለውታል።

“ይህ የቀብር ሽኝት ሥርዓት አይደለም። ይህ ስለአንድ ታላቅ ሰው፤ ረሀወምና የተከበረን ሕይወት ስለኖረ ሰው ሕይወት ክብር የምናደርስበት የኀሴት ቀን ነው” ብለዋል ፕሬዚዳንት ትረምፕ።

/ጆርጅ ዋከር ቡሽ - ዜጋ፣ ወታደር፣ አምባሳደር፣ መልዕክተኛ፣ ዳይሬክተር፣ እንደራሴ፣ ፕሬዚዳንት - ሰኔ 5/1916 ዓ.ም. - ኅዳር 21/2011 ዓ.ም./

ለተጨማሪ የተያያዘውን የድምፅ ፋይል ያዳምጡ

የሃሴት ቀን - ፕሬዚዳንት ዶናልድ ትረምፕ
please wait

No media source currently available

0:00 0:06:36 0:00

ተጨማሪ ይጫኑ

XS
SM
MD
LG