በቀላሉ የመሥሪያ ማገናኛዎች

ዜና

አፍጋኒስታን ዋና ከተማ ካቡል ውስጥ ትናንት በአንድ የመንግሥት ሕንፃ ላይ ጥቃት የከፈቱ ታጣቂዎች ተኩስ ከፍተው አርባ ሦስት ሰው መግደላቸው ተዘግቧል።

አፍጋኒስታን ዋና ከተማ ካቡል ውስጥ ትናንት በአንድ የመንግሥት ሕንፃ ላይ ጥቃት የከፈቱ ታጣቂዎች ተኩስ ከፍተው አርባ ሦስት ሰው መግደላቸው ተዘግቧል።

ከቀትር በኋላ ተጀመረ በተባለው ጥቃት አንድ አጥፍቶ ጠፊ ወደ ሕንፃው ዘልቆ የታጠቀውን ፈንጂ ካፈነዳ በኋላ ውጭ ቆመው የነበሩ ተሽከርካሪዎች ውስጥ ታጭቆ የነበረ ፈንጂ ብዙ የመንግሥት ተቋማት በሚገኙበት በዚሁ ሕንፃ ላይ ብርቱ ጉዳት ማድረሱ ታውቋል።

በፍንዳታዎቹ ምክንያት ወደ ተከፈተው የሕንፃው መግቢያ ፈጥነው የገቡ ታጣቂዎች ከፖሊስ ጋር ግብግብ ገጥመው ለሰባት ሰዓታት የቆየ ተኩስ መለዋወጣቸው ተገልጿል።

በየመሥሪያ ቤቱ ይሠሩ የነበሩ 200 ሰዎች ያለጉዳት እንዲወጡ መደረጉን ባለሥልጣናቱ አመልክተዋል።

ቻይና በአፍጋኒስታን ፖለቲካ

የፓኪስታን የውጭ ጉዳይ ሚኒስትር ሻህ ማኅሙድ ቁሬሺ

ዩናይትድ ስቴትስ አፍጋኒስታን ውስጥ ያዘመተችውን ጦሯን እንደምትቀንስ እያሳወቀች ባለችበት ወቅት ፓኪስታን "ጠንካራ ወዳጇ ነች" ከምትባለው ቻይና ጋር በተለዋዋጩ የአፍጋኒስታን ፖለቲካ ላይ አዳዲስ ንግግሮችን መጀመሯ ተገለፀ።

ዩናይትድ ስቴትስ አፍጋኒስታን ውስጥ ያዘመተችውን ጦሯን እንደምትቀንስ እያሳወቀች ባለችበት ወቅት ፓኪስታን “ጠንካራ ወዳጇ ነች” ከምትባለው ቻይና ጋር በተለዋዋጩ የአፍጋኒስታን ፖለቲካ ላይ አዳዲስ ንግግሮችን መጀመሯ ተገለፀ።

የፓኪስታን የውጭ ጉዳይ ሚኒስትር ሻህ ማኅሙድ ቁሬሺ ዛሬ ወደ ቤጂንግ ሄደው ከቻይና አቻቸው ዋንግ ዪ ጋር ባደረጉት የሙሉ ቀን ውይይት ሁለቱም ወገኖች በአፍጋን-መርና በአፍጋን ባለቤትነት የሰላም ሂደት እንደሚያምኑ ማሳወቃቸውን የኢስላማባድ ባለሥልጣናት አመልክተዋል።

ፓኪስታን ባለፈው ሣምንት የተባበሩት አረብ ኤምሬቶች ውስጥ በዩናይትድ ስቴትስና በታሊባን መካከል የተካሄደ ባለሥልጣናቱ “ፍሬያማ” ያሉትን ውይይት ማመቻቸቷ ተዘግቧል።

ከቻይና አቻቸው ጋር ከተገናኙ በኋላ የፓኪስታኑ የውጭ ጉዳይ ሚኒስትር ለሃገራቸው መንግሥታዊ ቴሌቪዥን በሰጡት መግለጫ አፍጋኒስታን ውስጥ ባሉ አዳዲስ ሁኔታዎችና በአቡዳቢው ውይይት ላይ መነጋገራቸውን አመልክተዋል።

ተጨማሪ ይጫኑ

XS
SM
MD
LG