በቀላሉ የመሥሪያ ማገናኛዎች

ዜና

ቅዳሜ 1 ታህሳስ 2018

Calendar
ታህሳስ 2018
ሰኞ ማክሰ ረቡዕ ሐሙስ ዓርብ ቅዳሜ እሑድ
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
ፎቶ ፋይል:- ጆርጅ ደብሊው ኸርበርት ዋከር ቡሽ

የቀድሞው የዩናይትድ ስቴትስ ፕሬዚዳንት ጆርጅ ደብሊው ኸርበርት ዋከር ቡሽ በተወለዱ በ94 ዓመታቸው ከዚህ ዓለም በሞት ተለይተዋል።

የቀድሞው የዩናይትድ ስቴትስ ፕሬዚዳንት ጆርጅ ደብሊው ኸርበርት ዋከር ቡሽ በተወለዱ በ94 ዓመታቸው ከዚህ ዓለም በሞት ተለይተዋል።

በቤተሰባቸው ቃል አቀባይ መግለጫ መሠረት በፓርኪንሰንስና ሌሎች ህመም ምክንያት በፅኑ ታመው ለብዙ ዓመታት በሆስፒታል ክትትል ሲደረግላቸው የቆዩት የቀድሞው የዩናይትድ ስቴትስ ፕሬዘዳንት ቡሽ ትላንት ማታ ያረፉት ሂዩስተን ቴክሳስ በሚገኘው መኖሪያ ቤታቸው ውስጥ ነው። ጆርጅ ደብሊው ቡሽ እአአ ከ1989 እስከ 1993 ድረስ የዩናይትድ ስቴትስን የመሩ 41 ኛው ፕሬዚዳንት ነበሩ።

እአአ 1989 መሪ ሆነው ከመመረጣቸው በፊት የቀድሞው የዩናይትድ ስቴትስ ፕሬዚዳንት ጆርጅ ደብሊው ኸርበርት ዋከር ቡሽ፡ በዓለሙና በአሜሪካ ፖለቲካ መድረክ በምርጫዎች ሲወድቁና ሲነሱ ቆይተዋል። በርሳቸው አመራር ወቅት የሃገሪቱ ኢኮኖሚ እየወደቀ በመምጣቱና የሥራ አጡ ቁጥር በመብዛቱ በ1992 ዳግም ተመርጠው ወደ ኃይት ሃውስ ለመግባት ያደረጉት ጥረት አልተሳካላቸውም። በምርጫው ተሸንፈው ወጥተዋል።

በፕሬዘዳንትነት በቆዩባቸው 4 ዓመታት ሚስተር ቡሽ በፓናማ ላይ ወታደራዊ ዘመቻ አዘው በወቅቱ የነበሩትን አምባገነን መሪ ማኑኤል ኖሪዬጋን ከሥልጣን አባረዋል። ኋላም የኢራቁ መሪ ሳዳም ሁሴን በነዳጅ ዘይት ሃብታሟ ኩዌት ላይ ወረራ እንዳያካሂዱ ለመከላከል ጦርነት መክፈታቸው ይታወሳል።

ጆርጅ ደብሊው ኸርበርት ዋከር ቡሽ ሃገራቸውን ማገልገል የጀመሩት በወጣትነት ዕድሜያቸው ነው። በሁለተኛው የዓለም ጦርነት ወቅት የባህር ኃይል ተዋጊ ጄት በማብረር የጃፓን ዒላማዎችን ደብድበዋል። ያኔ ገና የ18 ዓመት ወጣት ነበሩ።

ፕሬዘዳንት ደረጃ ከመድረሳቸው በፊትም በተለያዩ ቁልፍ ሥልጣኖች አገልግለዋል።

· በ1970 የመጀመሪያ ዓመታት በተባበሩት መንግሥታት ድርጅት የዩናይትድ ስቴትስ አምባሳደር

· ጥቂት ቆየት ብሎም የሪፖብሊካን ፓርቲው ብሄራዊ ኮሚቴ ሊቀ መንበር

· በዚያኑ ዓመት በቻይና የዩናይትድ ስቴትስ አምባሳዳርና

· የአሜሪካ የደኅንነት ጥበቃ ዋና መሥሪያ ቤት /የሲአኤ/ ዳይሬክተር ሆነው አገልግለዋል።

የቀድሞው የዩናይትድ ስቴትስ ፕሬዚዳንት ጆርጅ ደብሊው ኸርበርት ዋከር ቡሽ በወጣትነት ዕድሜ ከተዋወቋቸው ባለቤታቸው ባርባራ ቡሽ ጋር ለ73 ዓመታት በትዳር ቆይተዋል። ባርባራ ቡሽም በ92 ዓመታቸው ከዚህ ዓለም በሞት የተለዩት ባለፈው ሚያዝያ መሆኑ ይታወሳል።

የዩናይትድ ስቴትስ ፕሬዚዳንት ዶናልድ ትረምፕ

የዩናይትድ ስቴትስ ፕሬዚዳንት ዶናልድ ትረምፕ የካናዳው ጠቅላይ ሚኒስትር ጀስቲን ትሩዶ እና የሜክሲኮው ፕሬዘዳንት ኤንሪኬ ቴኛ ኒኤቶ “ናፍታ” በመባል የሚታወቀውን የሰሜን አሜሪካ ነፃ የንግድ ሥምምነት የሚተካ አዲስ ሥምምነት ዛሬ ተፈራርመዋል።

የዩናይትድ ስቴትስ ፕሬዛዳንት ዶናልድ ትረምፕ የካናዳው ጠቅላይ ሚኒስትር ጀስቲን ትሩዶ እና የሜክሲኮው ፕሬዘዳንት ኤንሪኬ ቴኛ ኒኤቶ “ናፍታ” በመባል የሚታወቀውን የሰሜን አሜሪካ ነፃ የንግድ ሥምምነት የሚተካ አዲስ ሥምምነት ዛሬ ተፈራርመዋል።

ይህ አዲሱ የዩናይትድ ስቴትስ፣ ሜክሲኮና ካናዳ ሥምምነት የተፈረመው ከትላንት ጀምሮ በአርጀንቲና ከተማ በቦነስ አይሬስ እየተካሄደ ካለው ከጂ-20 የመሪዎች ጉባዔ ጎን ነው።

ጉባዔውን በመከታተል ላይ ያለችው ባልደረባችን ግሬታ ቫንስ ስተርን ፕሬዘዳንት ዶናልድ ትረምፕን በሥምምነቱ እና ሌሎች ጉዳዮች ዙሪያ አነጋግራለች።

ለተጨማሪ የተያያዘውን የድምፅ ፋይል ያዳምጡ

የዩናይትድ ስቴትስ ፕሬዚዳንት ዶናልድ ትረምፕ ከቪኦኤ ጋር
please wait

No media source currently available

0:00 0:03:23 0:00

ተጨማሪ ይጫኑ

XS
SM
MD
LG