በቀላሉ የመሥሪያ ማገናኛዎች

ዜና

ለጠቅላይ ሚኒስትሩ መግለጫ የመድረክና የመኢአድ ምላሽ
please wait

No media source currently available

0:00 0:13:05 0:00

ጠቅላይ ሚኒስትር ኃይለማያም ደሣለኝ ትናንት በሰጡት መግለጫ ያስተላለፉትን መልዕክት የሚያዩት በሃገሪቱ ላይ የአስቸኳይ ጊዜ ሁኔታ የማወጅ ያህል አድርገው መሆኑን የኢትዮጵያ ፌደራላዊ ዴሞክራሲያዊ መድረክ የወቅቱ ሊቀመንበር ፕሮፌሰር በየነ ጴጥሮስ ለቪኦኤ ገልፀዋል፡፡

በሌላ በኩል ደግሞ ከኢሕአዴግ አንዳችም የተሻለ ለውጥ እንደማይጠብቁና ተስፋ መቁረጣቸውን የመላ ኢትዮጵያ አንድነት ድርጅት ዋና ፀሐፊ አቶ አዳነ ጥላሁን ተናግረዋል፡፡

ችግሩን ፓርቲው በግልፅነት መገምገሙንና የመንግሥታዊ ሥልጣንን ምንነት በመገንዘብ ላይ ያለውን አቋም ማስተካከል ለወደፊቱ ጉዞ ዕድል እንደሚከፍት መግባባት ላይ መድረሱን ቢገልፁም የመድረክና የመኢአድ መሪዎች ግን ኢሕአዴግ እራሱን በተደጋጋሚ መገምገሙንና አሁን ማድረግ ያለበት ሕዝቡን ለመተማመኛ ድምፅ መጥራትና አዲስ ምርጫ ማካሄድ መሆኑን መክረዋል፡፡

መሪዎቹ ሥርዓቱ ተበላሽቷል የሚሉባቸውን ምክንያቶች ዘርዝረዋል፡፡

የጠቅላይ ሚኒስትር ኃይለማርያም የትናንት ንግግር “የአስቸኳይ ጊዜ አዋጅ መደንገግ ነው” ብለዋል የመድረክ ሊቀመንበር ፕሮፌሰር በየነ ጴጥሮስ፡፡

የወልቃይት የአማራ ማንነት ጥያቄ ኮሚቴ ዋና ፀሐፊና የሕዝብ ግንኙነት ኃላፊው አቶ ተሻገር ወልደሚካኤል ጠቅላይ ሚኒስትሩ በወልቃይት ጉዳይ ላይ “እርስ በራሱ የሚጋጭ ንግግር ነው ያደረጉት” ብለዋል፡፡ ኮሚቴው የሄደባቸውን መንገዶችም ዘርዝረዋል፡፡

ለተጨማሪና ዝርዝር መረጃዎች የተያያዙትን የድምፅ ፋይሎች ያዳምጡ፡፡

ጠቅላይ ሚኒስትሩ ስለወቅቱ ሁኔታ

ጠቅላይ ሚኒስትር ኃይለማርያም ደሣለኝ - ፎቶ ፋይል

የጠቅላይ ሚኒስትሩ ንግግር ኢሕአዴግ ሲነሣ ከነበረበት ሁኔታ አሁን ያለው ነባራዊ ሁኔታ የተለወጠ መሆኑን ጠቅላይ ሚኒስትር ኃይለማርያም ደሣለኝ አስታውቀዋል፡፡

ጠቅላይ ሚኒስትሩ ስለወቅቱ ሁኔታ
please wait

No media source currently available

0:00 0:05:52 0:00

የጠቅላይ ሚኒስትሩ ንግግር ኢሕአዴግ ሲነሣ ከነበረበት ሁኔታ አሁን ያለው ነባራዊ ሁኔታ የተለወጠ መሆኑን ጠቅላይ ሚኒስትር ኃይለማርያም ደሣለኝ አስታውቀዋል፡፡

የኢትዮጵያው ጠቅላይ ሚኒስትር የኢሕአዴግን ሥራ አስፈፃሚ ኮሚቴና የማዕከላዊ ምክር ቤቱን ጉባዔ ተከትሎ ለመንግሥታቸው መገናኛ ብዙኃን በሰጡት መግለጫ “ኢሕአዴግ ግዙፉን የደርግ ሥርዓት በሚደመስስበት ጊዜ ካስቀመጣቸው እሤቶች መካከል እራስን ለሕዝብ የመስጠትና ለሕዝብ የመኖር ጉዳይ ወሣኝ ጉዳይ ነው ተብሎ የተያዘ ነው፤ ነገር ግን ነባራዊ ሁኔታው ተቀይሯል” ብለዋል፡፡

ጠቅላይ ሚኒስትሩ አክለውም “ነባራዊ ሁኔታው በተቀየረበት ሁኔታ አመራሩ የመንግሥትን ሥልጣን የሚያይበትና በተግባርም የሚፈፅምበት ሁኔታ በሚገባ ካልተቀየረ አሁን ባለንበት ደረጃ የጉዟችን እንቅፋትና መሠናክል የበዛበት ጉዞ ይሆናል” ብለዋል፡፡

ለተጨማሪ የተያያዘውን የድምፅ ፋይል ያዳምጡ፡፡

ተጨማሪ ይጫኑ

XS
SM
MD
LG