በቀላሉ የመሥሪያ ማገናኛዎች

ዜና

ዘ ዊክኤንድ/አቤል ተስፋዬ/

የሃያ ስድስት ዓመቱ አቤል ተስፋዬ የዘንድሮውን የአውሮፓ 2016 የመጨረሻ ሩብ ዓመት “ምርጥ” የተባለለትን አልበም ለማውጣት ሲማስን ሰንብቷል፡፡

“ስታር ቦይ” የተወራለት አልበሙ ነው፡፡ ካናዳዊው አቤል ተስፋዬ የአደባባይ ስሙ ወይም እርሱ በዋለበት የኪነቱ ዓለም የሚጠራበት “ዘ ዊክ ኤንድ” ነው፡፡ ለምን? እርሱን ለሌላ ጊዜ እናቆየውና የዛሬ ጉዳያችንን

ሰሞኑን ባደረገው ቃለ - ምልልስ ላይ በአጭሩ እናተኩር፡፡

አቤል ዛሬ በዓለማችን ከሚጠሩ የመድረክ ከዋክብት አንዱ ነው፡፡

ጥያቄ፡- አንተ የተለያዩ አካባቢዎችን የምትወክል ሰው ነህ፤ ቶሮንቶ፣ ኢትዮጵያ … እንዴት ይሆን ይህንን የምትይዘው?

አቤል (ዘ ዊክኤንድ)፡- ኢትዮጵያዊ መሆኔን አሳውቄአለሁ፤ ተናግሬአለሁ፡፡ በሙዚቃዬ ውስጥ አሳይቻለሁ፡፡ የአዘፋፈኔ ስልት ኢትዮጵያዊነት አብዝቶ የተጠናወተው ነው፡፡ በነገራችን ላይ ኢትዮጵያ ጨርሶ አልነበርኩም፡፡ ሀገሬ ሄጄ ዘሮቼን (መሠረቴን) ማየት እፈልጋለሁ፡፡

ጥያቄ፡- አንድ አድናቂህ “ከኢትዮጵያ ዘፋኞች ማንን ልሰማ?” ቢልህ ምን ትመክረዋለህ?

ዘ ዊክኤንድ፡- አስቴር አወቀን፤ ያለጥርጥር! በአዲሱ አልበሜ ወስጥ አንዱ ዘፈን “ፎልስ አላርም” መጨረሻ ላይ የእርሷ ድምፅ ይሰማል፡፡ የእርሷ ድምፅ ‘ ኮ እስከዛሬ ከተዜመባቸው ድምፆች ሁሉ እጅግ የበለጠው፤ እጅግ የተዋበው፤ እጅግ የረቀቀው ድምፅ ነው፡፡

ሙላቱ አስታጥቄ
ሙላቱ አስታጥቄ

ሙላቱ አስታጥቄ የሚባል ታላቅ የሙዚቃ ፀሐፊ (ኮምፖዘር) አለ፡፡ እርሱ ምናልባት አሁን እጅግ የታወቀው ኢትዮጵያዊ ሙዚቀኛ ነው፡፡ ጂም ያርሙሽ የእርሱን ሙዚቃ ተጠቅሟል፡፡ በሆነ ጊዜ አግኝቼው አብሬው ብሠራ ደስ ይለኛል፡፡ ማህሙድ አህመድ ታላቅ ዘፋኝ ነው፤ ጥላሁን ገሠሠም እንዲሁ፡፡ ቴዲ አፍሮ ይበልጡን የፖፕ ዓይነት ዘፋኝ ነው፤ ድንቅ ድምፅ! እኔ ያደግሁት እነዚህን እየሰማሁ ነው፡፡ ጠዋት ሰነሳ እናቴ ቡና እያፈላች የምትሰማው እነዚህን ዘፈኖች ነው፡፡

ዩኒቨርስቲ ኦፍ ቶሮንቶ ውስጥ ከኢትዮጵያ ቋንቋዎች ጥናት ጋር እራሱን የቻለ ትምህርት እንዲሰጥበት ለማስደረግ እየጠረ መሆኑን አቤል ተስፋዬ (ዘ ዊክኤንድ)ተናግሯል።

የድምፅ ፋይሉን ያዳምጡ፡፡

ዘ ዊክኤንድ - ለ ዊክኤንድ
please wait

No media source currently available

0:00 0:02:23 0:00

ፎቶ ፋይል

እርስዎ የYahoo! አካውንት አለዎት? መረጃዎችም የግል ገመናዎ ተሰርቀው ሊሆን ይችላል፤ ችላ አይበሉ፡፡ ከአንጋፋዎቹና ከግዙፎቹ የነፃ ኢሜል አግልግሎት ሰጭዎች አንዱ የሆነው ‘ያሁ’ ውስጥ ከተያዙ ተገልጋዮች መካከል የአንድ ቢሊዮኑ የግል መረጃዎች ብዙው ተሰርቋል፡፡

ፎቶ ፋይል
ፎቶ ፋይል

ይህ ግዙፍ ዘርፍ የተፈጠረው በነሃሴ 2013 ዓ.ም. (እአአ) ሲሆን የእገሌ መንግሥት አይባልበት እንጂ በሴራና በሰርጎ ገብ የዘረፈ ዘመቻው ውስጥ የመንግሥት እጅ እንዳለበት ተገልጿል፡፡

የተለያዩ የዜና ምንጮች የነኀሴ 2013ቱን ጊዜ ይጠቀሙ እንጂ ያሁ ራሱ ለተገልጋዮቹ በላከው ማስታወቂያ የገለፀው የመረጃ ካዝናው የተደፈረው በ2014ዓ.ም. መጨረሻ ላይ መሆኑን ነው፡፡(ልክ የዛሬ ሁለት ዓመት መሆኑ ነው፡፡)

የተሠረቁት መረጃዎች ስሞችን፣ የኢሜል አድራሻዎችን፣ የስልክ ቁጥሮችን፣ የልደት ቀንና ዓመተ- ምህረትን፣ የማለፊያ የምስጢር ቁልፎችን (ፓስወርዶችን) እንዲሁም የምሥጢር ጥያቄና መልሶችን መሆኑ ያሁ አሳውቋል፡፡

ያሁን ግዙፉ የስልክ አገልግሎት ኩባንያ ቨራይዘን ከአራት ቢሊዮን ዶላር በላይ በሆነ ክፍያ ሊገዛ እየተዋዋለ የነበረ ሲሆን አሁን ግን ያንን የሽያጭ ሃሣብና ንግግር እየከለሰና እያጠናው መሆኑን ተናግሯል፡፡

ቨራይዘን የያሁን መረጃ የሚፈልገው ለማስታወቂያ ሥርጭት ንግድ ሲሆን ምናልባት የተሰረቁት መረጃዎች የተዝረከረኩ ከሆኑ ግዥው ቨራይዘንን እምብዛም ላይስበው ይችል ይሆናል እየተባለ ነው፡፡

ለማንኛውም ቨራይዘን 'አልገዛም' ብሎ በይፋ የተናገረው ነገር የለም፤ 'ግድ የለም እገዛዋለሁ'ም አላለም፡፡

የሕግ አስከባሪ ባለሥልጣናት ግን ከያሁ ጋር ሆነው ጉዳዩን እያጣሩ መሆናቸው ተገልጿል፡፡

ለማንኛውም ግን እርስዎ ያየሁ አካውንት ካለዎት ቁልፍ የሚሏቸውን መረጃዎች ጠበቅ አድርገው ይቆልፉ፤ ወይም ያሽሹ - ፓስወርዶችዎንም ዛሬ ነገ ሳይሉ ይቀይሩ፡፡ ሌባ እንደይጨፍርብዎ! “ተሰርቋል”

ተብሎ ዛሬ የተነገረው ያሁን የወጋውና ሌሎችንም ነክቶ ሊሆን የሚችለው ጦር ጫፍ ብቻ ልትሆን ትችላለች... የብዙዎች ሥጋትና ጥርጣሬ ነው፡፡

ተጨማሪ ይጫኑ

XS
SM
MD
LG