በቀላሉ የመሥሪያ ማገናኛዎች

ዜና

ስደተኞች በፈረንሣይ ስታሊንግራድ ባቡር ጣቢያ አካባቢ

በመቶዎች የተቆጠሩ የፈረንሣይ ፖሊሶች ዋና ከተማ ፓሪስ ሰሜን ምሥራቅ ቀበሌ ውስጥ የሚገኝ ግዙፍ የሆነ የፍልሰተኞች ካምፕ ዛሬ ማፈራረስ ጀምረዋል።

የፈረንሣይ መንግሥት ስደተኞችን ከጎዳናዎች አንስቶ ወደመጠለያዎች ለማስገባት እየተንቀሳቀሰ ነው።

የረድዔት ድርጅቶች እንደሚናገሩት በስታሊንግራድ እና ዦሬ በሚባሉት የከተማ ባቡር ጣቢያዎች መካከል ባለው መሿለኪያ ጠርዝ ጠርዙን ይዞ ባለው ካምፕ ወደሶስት ሺሕ የሚጠጉ ስደተኞች ተጠልለው ቆይተዋል።

ዛሬ ብዛት ያላቸው ፍልሰተኞች ዕቃቸውን ሸክፈው በትክክል ወደሚመዘገቡበት ማዕከል የሚወስዱዋቸውን አውቶብሶች ሲጠብቁ ታይተዋል።

የፈረንሣይ የኢሚግሬሽን መ/ቤት ኃላፊ ዲዲየር ሌስሺ በመመዝገቢያው ጣቢያ አስተርጓሚዎችን ይዘን ፍልሰተኞቹን እንጠብቃለን ብለዋል።

ስደተኞች በፈረንሣይ ስታሊንግራድ ባቡር ጣቢያ አካባቢ
ስደተኞች በፈረንሣይ ስታሊንግራድ ባቡር ጣቢያ አካባቢ

“መጀመሪያ ወደማዕከሉ እንኳን ደህና መጣችሁ ብለን ተቀብለናቸው፤ ከዚያም ጥገኝነት ለመጠየቅ እንዴት ማመልከቻ እንደሚሞሉ እናስረዳቸዋለን” ብለዋል።

በየድንኳኑ አለዚያም ከቤት ውጭ ፍራሽ ላይ የተኙትን ስደተኞች ዛሬ ፖሊሶች በሌሊት ሄደው ሲቀሰቅሱዋቸው

“በዚህ ውድቅት የት ልንሄድ ነው” ብለው ተደናግጠዋል።

ስደተኞች በፈረንሣይ ስታሊንግራድ ባቡር ጣቢያ አካባቢ
ስደተኞች በፈረንሣይ ስታሊንግራድ ባቡር ጣቢያ አካባቢ

በዓመት ከመንፈቅ ጊዜ ውስጥ ከተካሄዱት ግዙፍ የስደተኛ መጠለያ ማስገባት ኦፐሬሽኖች ትልቁ መሆኑን የባለስልጣናት ገልፀዋል።

የስታሊንግራድ ባቡር ጣቢያ አካባቢ ከአሁን ቀደም በተደጋጋሚ ስደተኞችን አንስተዋቸው የነበረ ቢሆንም አዲስ መጪዎች ሰፍረው ቆይተዋል።

ለተጨማሪ የተያያዘውን የድምፅ ፋይል ያዳምጡ፡፡

ስደተኞች ከጎዳና ወደመጠለያ ማስገባት ተጀመረ
please wait

No media source currently available

0:00 0:02:19 0:00

ሪፐብሊካኑ ዶናልድ ትራምፕ

የዩናይትድ ስቴትስ ፕሬዚዳንታዊ ምርጫ የፊታችን ማክሰኞ ይካሄዳል።

የዕጩ ተፎካካሪዎቹ ዲሞክራትዋ ሂላሪ ክሊንተንና ሪፐብሊካኑ ዶናልድ ትራምፕ ዘመቻዎች በዚህ የመጨረሻው የተጧጧፈ ዘመቻ ሳምንት መጨረሻ መራጮችን ለመቀስቀስ በዋና ዋናዎቹ የብርቱ ፍልሚያ ወረዳ ክፍለ ግዛቶች እየተዘዋወሩ ናቸው።

በአንድ አዲስ የመራጭ አስተያየት ግምገማ መሠረት እጅግ ብዝሃኑ መራጭ በሁለቱም ተፎካካሪዎች ተንገፍግፉዋል። ያም ቢሆን ሚሊዮኖችን ገፍቶ

"ድምፅ ባልሰጥስ፣ ቢቀርብኝ" የሚያሰኝ ደረጃ አላደረሳቸውም ።

ሂላሪ ክሊንተን
ሂላሪ ክሊንተን

ኒውዮርክ ታይምስ እና ሲቢኤስ ኒውስ ባካሄዱት ግምገማ ሠማኒያ ከመቶው መራጭ

"እነዚህ ሁለቱ ዕጩዎች አንገሸገሹኝ" ብሉዋል፡፡

ያም ሆኖ የዩናይትድ ስቴትስ የምርጫዎች ፕሮጀክት የተባለ አካል ባወጣው መረጃ መሰረት እስካሁን ከሠላሳ ስድስት ነጥብ አምስት ሚሊዮን በላይ አሜሪካውያን ከወዲሁ ድምፅ ሰጥተዋል።

ሁለቱ ዕጩዎች እጅግ በተቀራረበ የመራጭ ድጋፍ እየተፎካካሩ ባሉበት በነዚህ የምርጫው ዋዜማ ጥቂት ቀናት፣ የሚወራወሩት እሰጥ እገባ ይበልጡን እየሰላ መጥቱዋል።

ለተጨማሪ የተያያዘውን የድምፅ ፋይል ያዳምጡ፡፡

36.5 ሚሊዮን በላይ አሜሪካውያን ድምፅ ሰጥተዋል
please wait

No media source currently available

0:00 0:04:18 0:00

ተጨማሪ ይጫኑ

XS
SM
MD
LG