በቀላሉ የመሥሪያ ማገናኛዎች

ዜና

አቶ በትሩ ገብረ-እግዚብሔር(ቀኝ)ፕሮፌሰር ብርሃኑ አበጋዝ(ግራ)

“ዜጎች ለመብቶቻቸው ዘብ የመቆም አማራጭ በማጣታቸው ነው ትግሉ ወደ ሕዝባዊ እምቢተኝት ያደገው።” አቶ በትሩ ገብረ-እግዚብሔር በዳላስ ቴክሳስ የሞርጌጅ ባንክ ባለ ሞያ። “ከዚህ አጣብቂኝ ለመውጣት ሌሎች በተመሳሳይ መንገድ ያለፉ አገሮችስ ምን አደረጉ? በሚል መጠየቅ ተገቢ ነው። ዓይንህን ለአፈር የሚለው የሚገባ አቋም አይመስለኝም።” ፕሮፌሰር ብርሃኑ አበጋዝ በዊልያም ኤንድ ሜሪ ዩኒቨርሲቲ የምጣኔ ሃብት መምሕር እና የትምህርት ክፍሉ ሊቀ-መንበር።

ከአጣብቂኙ መውጫ መንገዶችና ዘላቂ መፍትሔዎች:- የውይይቱን የመጀመሪያ ክፍል ከዚህ ያድምጡ፤
please wait

No media source currently available

0:00 0:13:08 0:00
ከአጣብቂኙ መውጫ መንገዶችና ዘላቂ መፍትሔዎች:- የውይይቱን ሁለተኛና የመጨረሻ ክፍል ከዚህ ያድምጡ፤
please wait

No media source currently available

0:00 0:24:36 0:00


በአገሪቱ የተለያዩ ክፍሎች የተቀሰሰውን ሕዝባዊ አመጽ ምንነት፥ አቅጣጫና ሁነኛ የመፍትሔ አማራጮች ለማመላከትና አድማጮችን በንቃት ለማሳተፍ የታለመ ተከታታይ ውይይት አካል ነው።

በዚህ ሁለት ክፍሎች ባሉት ውይይት፥ በኢትዮጵያ አሁን የሚታዩት ሁኔታዎች በዚሁ ከቀጠሉ ሊያደርሱ የሚችሉትን ጉዳት ጨምሮ ከአጣብቂኙ መውጫ የሚረዱ ሁነኛ አማራጮችና የዜጎችን ሚና ይመረምራል።

“ኢትዮጵያዊነት” ይሰኛል። አራት የሲቪክ ቡድኖችና ማኅበሮች የመሠረቱት ድርጅት ነው። ማኅበሩ በቅርቡ ለዓለም አቀፉ ማኀበረሰብ፥ ለመንግስታትና ለኢትዮጵያውን በጻፈው ደብዳቤ መነሻነት ከሁለት መሥራች አባላቶቹ ጋር የተካሄደ ተከታታይ ውይይት ነው።

ተወያዮቹ ፕሮፌሰር ብርሃኑ አበጋዝ በዊልያም ኤንድ ሜሪ ዩኒቨርሲቲ የምጣኔ ሃብት መምሕር እና የትምህርት ክፍሉ ሊቀ-መንበር እና አቶ በትሩ ገብረ-እግዚብሔር በዳላስ ቴክሳስ የሞርጌጅ ባንክ ባለ ሞያ ናቸው። ሁለቱም በኢትዮጵያ ጉዳዮች በሚያደርጓቸው የረዥም ጊዜ ተሳትፎ የሚታወቁ ናቸው።

“ከወንዙ ባሻገር የሚያደርስ መንገድ፤ አሁን ካለው ሁኔታ የሚያወጣ መፍትሄ መኖሩን ሕዝቡ እንዲያውቅ እንፈልጋለን።” ነው የሚሉት የኢትዮጵያዊነት ማኅበር ተወካዮች።

ፋሲል ግንብ

የወልቃይት ሕዝብ የአማራ ማንነት ጥያቄ ኮሚቴ አባል ኮሎኔል ደመቀ ዘውዴ ተጨማሪ የሽብር ምርመራ በፌደራል ፖሊስ ሊካሄድባቸው የጊዜ ቀጠሮ ተጠይቋል፡፡

የኮሎኔል ደመቀ ዘውዴ ጉዳይ የሚታየው ጎንደር ላይ ነው
please wait

No media source currently available

0:00 0:06:15 0:00

የወልቃይት ሕዝብ የአማራ ማንነት ጥያቄ ኮሚቴ አባል ኮሎኔል ደመቀ ዘውዴ ተጨማሪ የሽብር ምርመራ በፌደራል ፖሊስ ሊካሄድባቸው የጊዜ ቀጠሮ ተጠይቋል፡፡

ኮ/ል ደመቀ አሁንም ክሥ ያልተመሠረተባቸው ሲሆን ጉዳያቸው ከትናንት በስተያ፤ መስከረም 18/2009 ዓ.ም የታየው በሰሜን ጎንደር ዞን ከፍተኛ ፍርድ ቤት የወንጀል ችሎት መሆኑን ጠበቃቸው አቶ መክት ካሣሁን ለቪኦኤ ገልፀዋል፡፡

በግድያ ወንጀል የጠረጠራቸው ፖሊስ የምርመራ መዝገብ በዕለቱ ተዘግቶ አቃቤ ሕግ ክሥ ይመሠርት ወይም ሌላ ሃሣብ ያቀርብ እንደሆነ የ15 ቀናት ጊዜ ያለው መሆኑን አቶ መክት ገልፀው አዲስ ለተከፈተው ምርመራ ፖሊስ የሃያ ስምንት ቀን ቀጠሮ ጠይቆ እንደነበር አመልክተዋል፡፡

እርሣቸውና ደንበኛቸው ባቀረቡት ጥያቄ መሠረት ፍርድ ቤቱ ለጥቅምት 2/2009 ዓ.ም ቀጥሯል፡፡

በሌላ በኩል ደግሞ የኮሎኔል ደመቀ ጉዳይ የአካባቢው ሕዝብ ባቀረበው ጥያቄ መሠረት እዚያው ጎንደር ከተማ ውስጥ እንዲታይ መወሰኑን የአማራ ብሔራዊ ክልላዊ መንግሥት ቃል አቀባይ አቶ ንጉሡ ጥላሁን አመልክተዋል፡፡

ለተጨማሪ የተያያዘውን የድምፅ ፋይል ያዳምጡ፡፡

ተጨማሪ ይጫኑ

XS
SM
MD
LG