በቀላሉ የመሥሪያ ማገናኛዎች

ዜና

US Iran Flags

ኢራን አሥራቸው የቆየች አራት አሜሪካዊያንን መልቀቋን የዩናይትድ ስቴትስ የውጭ ጉዳይ ሚኒስቴር አስታወቀ፡፡

የውጭ ጉዳይ መሥሪያ ቤቱ አሁን ማምሻውን ባወጣው መግለጫ “የተያዙ ዜጎቻችንን ወደ ሃገራቸው ለለመመለስ እንዲቻል በተከፈተው የዲፕሎማሲ መሥመር መሠረት ኢራን ውስጥ ተይዘው የነበሩ አራት አሜሪካዊያን መለቀቃቸውን እናረጋግጣለን” ብሏል፡፡

አራቱ አሜሪካዊያን አምር ሄክማቲ፣ ሳየድ አቤዲኒ፣ ጄሰን ሬዛኒያን እና ኖስራቶላ ኾስራቪ-ሩድሳሪ የተለቀቁ ሲሆን ራበርት ሌቪንሰን የሚባለው አሜሪካዊም ያለበትን አስሶ ለማግኘት ከዩናይትድ ስቴትስ ጋር መተባበሯን እንደምትቀጥል ኢራን አስታውቃለች፡፡

መግለጫው በመቀጠልም “እኛም ለሰባት ኢራናዊያን ምህተት ሰጥተናል” ብሏል፡፡

ስድስቱ ጉዳያቸው በፍርድ ቤት እየታየ የነበረ ወይም ጥፋተኛነት የተበየነባቸው የአሜሪካና የኢራን ዜግነት ያላቸው መሆናቸውን መግለጫው አመልክቷል፡፡

ዩናይትድ ስቴትስ በዓለም አቀፉ የፖሊስ ድርጅት ኢንተርፖል አማካይነት የፍለጋ ቀይ ማስታወቂያ አውጥታባቸው ከነበሩ 14 ኢራናዊያን ላይም የአደን ዘመቻዋን ማንሣቷን የውጭ ጉዳይ መሥሪያ ቤቱ በዚሁ መግለጫው አስታውቋል፡፡

እንዲሁም አሥራ አራቱ ኢራናዊያን ባሉበት ተይዘው እንዲሰጧት ዩናይትድ ስቴትስ አውጥታ የነበረው ጥያቄ ቀና ምላሽ የማግኘቱ ጉዳይ አጠራጣሪ ሆኖ ቆይቷል፡፡

የኦሮሞ ብሔረሰብ አባላት ለተቃውሞ ሰልፍ በወጡበት ወቅት የተነሳ [ፋይል ፎቶ - ሮይተርስ]

የኢትዮጵያ የልማትና ዓለምአቀፍ አጋሮች ኦሮምያ ውስጥ ተገድለዋል ያሏቸውን 140 ሰዎች ጉዳይ በቅርበት እንዲፈትሹ ሲቪከስ ተብሎ የሚጠራው የዜጎች ተሣትፎ ዓለምአቀፍ ጥምረት ጥሪ አሰምቷል፡፡

የኢትዮጵያ የልማትና ዓለምአቀፍ አጋሮች ኦሮምያ ውስጥ ተገድለዋል ያሏቸውን 140 ሰዎች ጉዳይ በቅርበት እንዲፈትሹ ሲቪከስ ተብሎ የሚጠራው የዜጎች ተሣትፎ ዓለምአቀፍ ጥምረት ጥሪ አሰምቷል፡፡

ሲቪከስ የዛሬ 23 ዓመት የተመሠረተ ዓለምአቀፍ ጥምረት ነው፡፡

ሲቪከስ በመላው ዓለም የዜጎችን የተግባር እንቅስቃሴና ሲቪሉን ማኅበረሰብ ለማጠናከር በሚል ዓላማ የተመሠረተ፤ ዛሬ በ145 ሃገሮች ውስጥ አባላት ያሉት፤ ዋና ፅሕፈት ቤቱ ጆሃንስበርግ - ደቡብ አፍሪካ የሆነና ለንደን፣ ጄኔቫና ኒው ዮርክ ቢሮዎችን ከፍቶ እየሠራ ያለ ተቋም ነው፡፡

የሲቪከስ የምሥራቅ አፍሪካና የአፍሪካ ቀንድ የመብቶች ዘብ ወይም “ለዘቦች ዘብ ቁሙ” በሚል የተሰየመው ፕሮጀክት እና አምነስቲ ኢንተርናሽናል የሚባለው ዓለምአቀፍ የሰብዓዊ መብቶች ተሟጋች ቡድን ሐሙስ፤ ጥር 15/2016 ዓ.ም ባወጡት መግለጫ ለኢትዮጵያ የልማትና ዓለምአቀፍ አጋሮች አቤቱታ አሰምተዋል፡፡

ሲቪከስና አምነስቲ ኢንተርናሽናል በየዌብ ሳይታቸው ላይ ባወጡት ጥሪ ኢትዮጵያ ውስጥ ከታኅሣስ አንስቶ ተገድለዋል ያሏቸው 140 ሰዎች ጉዳይ ጠበቅ ተደርጎ እንዲያዝ ነው የጠየቁት፡፡

ሲቪከስ
ሲቪከስ

የኦሮምያው አለመረጋጋት የተጫረው ኅዳር 2/2008 ዓ.ም ከአዲስ አበባ በስተደቡብ ምዕራብ በሚገኝ የኦሮምያ ክልል ሥፍራ የአንድ ትምህርት ቤትና ደን ይዞታዎች ለግል ባለሃብት መሰጠታቸውን ተመቃወም የአባባቢው ሰዎች ሰላማዊ ሰልፍ ባደረጉበት ወቅት እንደነበር የሲቪከስና የአምነስቲው መግለጫ አስታውሶ ከዚያን ጊዜ አንስቶ ተቃውሞዎቹ በይዘትም በስፋትም እያደጉ መምጣታቸውን ተናግሯል፡፡

ተቃዋሚዎቹ መንግሥት ባወጣው የተቀናጀ ልማት ዕቅድ ‘አዲስ አበባ ወደ ኦሮምያ እየተስፋፋች ትሄዳለች’ የሚል ሥጋት ማንሣታቸውን መግለጫው ተናግሯል፡፡

አምነስቲ ኢንተርናሽናል
አምነስቲ ኢንተርናሽናል

ሰልፎቹና የአደባባይ ተቃውሞዎቹ ወደ ኃይልም እየተለወጡ ብዙ ሰልፈኞች መገደላቸው፣ ብዙዎቹ የሰልፎቹ ተሣታፊዎችና የተቃዋሚዎች መሪዎች መታሠራቸውንም ጠቁሟል፡፡

መንግሥት የማስተር ፕላኑን ዕቅድ መሠረዙን ማክሰኞ፤ ጥር 3/2008 ዓ.ም ቢያስታውቅም ተቃውሞዎች ግን በማግሥቱ በአንዳንድ የምዕራብ ሃገርጌ አካባቢዎች፣ በአምቦና በወለጋ አካባቢዎች ተቃዋሚዎች አደባባይ መውጣታቸውን፣ የመንግሥቱ ወታደሮች ጥይት መተኮሣቸውንና ተቃዋሚዎችን መደብደባቸውን መግለጫው አመልክቷል፡፡

በመግለጫው ላይ ቃላቸውን ያሠፈሩት የአምነስቲ ኢንተርናሽናል የምሥራቅ አፍሪካ፣ የአፍሪካ ቀንድ እና የታላላቅ ኃይቆች አካባቢ ዳይሬክተር ሙቶኒ ዋንዬኪ “የፖሊስና የወታደር እርምጃ የተከተለው መንግሥቱ በአመዛኙ ሰላማዊ ተቃዋሚዎችን ‘ሽብርተኞች’ ሲል ታኅሣስ 5/2008 ዓ.ም ከጠራ በኋላ ነው” ብለዋል፡፡

ለተጨማሪ የተያያዘውን የድምፅ ፋይል ያዳምጡ፡፡

በኦሮምያ ጉዳይ የሲቪከስና የአምነስቲ መግለጫና አቋም
please wait

No media source currently available

0:00 0:07:42 0:00
ቀጥተኛ መገናኛ

ተጨማሪ ይጫኑ

XS
SM
MD
LG