በቀላሉ የመሥሪያ ማገናኛዎች

ዜና

የዩናይትድ ስቴትስ ፕሬዚደንት ባራክ ኦባማ በሳምንታዊ ንግግር
please wait

No media source currently available

0:00 0:04:07 0:00

በሳምንታዊ ንግግራቸው ላይ የዩናይትድ ስቴትስ ፕሬዚደንት ባራክ ኦባማ፣ በጠበንጃ የሚፈጸም ሁከት ወረርሺኝ ለመቆጣጠር ዳር ያላደርስነው ስራ አለ በማለት ቅሬታቸውን ገለጹ።

የዩናይትድ ስቴትስ ፕሬዚደንት ባራክ ኦባማ ምክር ቤት ልጆቻችንን ከጥቃት ለመጠበቅ የቻለውን ነገር ቢያደርግስ? በማለት “በሀገራችን በጠበንጃ የሚፈጸም ሁከት ወረርሺኝ ለመቆጣጠር ዳር ያላደርስነው ስራ” ባሉት ያላቸውን ብስጭት በሳምንታዊ ንግግራቸው ላይ ገለጹ።

ባራክ ኦባማ ሁሉን የሁከት ተግባር ልናቆም አንችልም፣ ግን አንድ እንኩዋን ለማስቆም ብንሞክርስ ምን አለ? በማለት የሀገሪቱ ምክር ቤት ምንም ዓይነት ርምጃ ለመውሰድ ወረርሺኙን ለመቀነስ በተደጋጋሚ ሳይችል መቅረቱን አመልክትዋል።

ከሶስት ዓመታት በፊት በሁለቱም ፓርቲዎች ትብብር የቀረበው “Commonsense Bill” የተባለው ህግ መሳሪያ የሚገዛ ማናቸውም ሰው የግል ታሪኩ እንዲመረመር የሚያደርግ እና ሰማኒያ ከመቶው ኣሜሪካዊ የሚደግፈው እንደነበር አውስተዋል።

የብሔራዊ የ ጠመንጃ ባለቤትነት ማህበር (National Rifle Association) አብዛኞቹ አባላት የሚደግፉት እንደነበርና ያስታወሱት ፕሬዚደንቱ ሆኖም መሳሪያ ሻጭ ሎቢዪስቶች የተቃውሞ ዘመቻ እንዳካሄዱበትና የህግ መወሰኛው ምክር ቤት ህጉን እንዳያልፍ እንዳከላከልው አስረድተዋል።

ባለስልጣኖቻቸው በመሳሪያ የሚፈጸም ሁከት ተግባር እንዲቀነስ የሚያስችል ኣዲስ ርምጃ እንዲያጠኑ አዝዣለሁ ያሉት ፕሬዚደንቱ የፊታችን ሰኞ ከጠቅላይ አቃቤ ህጋቸው ሎሬታ ሊንች ጋር እንደሚወያዩበት አስታውቀዋል።

መረራ ጉዲና በኦሮምያ ክልል ለተቃውሞ ሰልፍ የወጡ የመድረክ ተሳታፊዎች ንግግር በሚያደርጉበት ጊዜ የተነሳ ፎቶ እአአ 2010 [ፋይል ፎቶ ሮይተርስ]

መንግስት በኛ ድርጅት ላይ ተጽዕኖ ለማድረግ የሚያስችሉትን እርምጃዎች እየወሰደ ነው ሲሉም የኦፌኮ ሊቀ-መንበር ዶክተር መራራ ጉዲና ተናግረዋል።

የኦሮሞ ፌደራሊስት ኮንግረስ ዋና ጸሃፊ አቶ በቀለ ነጋ ከቤታቸው እንዳይወጡ ተደርገዋል። ተንቀሳቃሽ ስልካቸውንም ተነጥቀዋል ሲሉ የፓርቲው ሊቀ-መንበር አስታወቁ።

መንግስት በኛ ድርጅት ላይ ተጽዕኖ ለማድረግ የሚያስችሉትን እርምጃዎች እየወሰደ ነው ሲሉም የኦፌኮ ሊቀ-መንበር ዶክተር መራራ ጉዲና ተናግረዋል።

በሌላ በኩል ደግሞ በህጋዊ መንገድ ተመዝግበው በሚንቀሳቀሱ ፓርቲዎች ውስጥ የሚገኙ ሰዎች ጭምር ሁከት እንዳስነሱና እንደመሩ ማስረጃ አለን ሲሉ የኢትዮጵያ ጠቅላይ ሚኒስትር ሃይለማርያም ደሳለኝ ሰሞኑን መናገራቸው ይታወቃል።

ዘጋብያችን እስክንደር ፍሬው ከአዲስ አበባ የላከው ዘገባ ዝርዝሩን አጠናቅሮ አቅርቦታል። ከዚህ በታች ካለው የድምፅ ፋይል በመጫን ያዳምጡ።

የኦሮሞ ፌደራሊስት ኮንግረስ ዋና ጸሃፊ አቶ በቀለ ነጋ ከቤታቸው እንዳይወጡ ተደርገዋል
please wait

No media source currently available

0:00 0:04:52 0:00

የዩናይትድ ስቴትስ የብሔራዊ ፀጥታ ምክር ቤት

የኢትዮጵያ መንግሥት በእሥር ላይ የሚገኙትን ጋዜጠኞችን እና ሃሳብን በመግለፅ ነፃነታቸው በመጠቀማቸው ምክንያት የታሠሩትን ሌሎች ሰዎች በሙሉ እንዲፈታ፤ ፀረ-ሽብር አዋጁንም የተቃውሞ ድምፅ ማፈኛ አድርጎ ከመጠቀም እንዲቆጠብ ዩናይትድ ስቴትስ አሳሰበች።

የኢትዮጵያ መንግሥት በእሥር ላይ የሚገኙትን ጋዜጠኞችን እና ሃሳብን በመግለፅ ነፃነታቸው በመጠቀማቸው ምክንያት የታሠሩትን ሌሎች ሰዎች በሙሉ እንዲፈታ፤ ፀረ-ሽብር አዋጁንም የተቃውሞ ድምፅ ማፈኛ አድርጎ ከመጠቀም እንዲቆጠብ ዩናይትድ ስቴትስ አሳስባለች፡፡

የዩናይትድ ስቴትስ የብሔራዊ ፀጥታ ምክር ቤት ቃል አቀባይ ኔድ ፕራይስ ትናንት ባወጡት መግለጫ ኢትዮጵያ በቅርቡ በጋዜጠኞች ላይ ዩፈፀመቻቸው እሥራቶች ሃገራቸውን ያሳሰባት መሆኑን አመልክተዋል።

ኢትዮጵያ ውስጥ ታስረው የቆዩ በርካታ የኢንተርኔት አምደኞች ወይም ብሎገሮች መፈታታቸውን ጨምሮ በዚህ ዓመት በታዩ የመሻሻል ምልክቶች ዩናይትድ ስቴትስ ተበረታትታ እንደነበር የጠቆመው የትናንቱ የብሔራዊ ፀጥታ ምክር ቤቱ ቃል አቀባይ ኔድ ፕራይስ የፕሬስ መግለጫ “የኢትዮጵያ መንግሥት የመናገር ነፃነት ከበሬታን በማጠናከር እና ዴሞክራሲያዊ እርምጃዎችን በማስፋት ያስመዘገባቸውን ለውጦች እንዲያጠናክር ማሳሰባችንን እንቀጥላለን” ብሏል።

የዩናይትድ ስቴትስ የብሔራዊ ፀጥታ ምክር ቤት ቃል አቀባይ ኔድ ፕራይስ [ፋይል ፎቶ ከትዊተር የተገኘ]
የዩናይትድ ስቴትስ የብሔራዊ ፀጥታ ምክር ቤት ቃል አቀባይ ኔድ ፕራይስ [ፋይል ፎቶ ከትዊተር የተገኘ]

ነፃ ድምፆች መታፈናቸው መቀጠሉ እንዲህ ያሉትን እርምጃዎች፤ እንዲሁም ልማትና የምጣኔ ኃብት ዕድገትን ከማደናቀፍ በስተቀር ሌላ ውጤት አይኖራቸውም ሲሉ አስገንዝበዋል ፕራይስ።

“ዩናይትድ ስቴትስ ኢትዮጵያን የአፍሪካ ዕድገት ተምሳሌትና ድምፅ” እያለች ስታደንቃት መቆየቷን ያስታወሱት ኔድ ፕራይስ “ይሁን እንጂ እነዚህ እርምጃዎች ዘላቂነት እንዲኖራቸው መሠረታቸው ዴሞክራሲያዊ አስተዳደር እና የሰብዓዊ መብቶች መከበር ሊሆን ይገባል” ብለዋል።

የኢትዮጵያ መንግሥት እሥር ላይ የሚገኙትን ጋዜጠኞች እና ሃሳብን በመግለጽ መብታቸው በመጠቀማቸው ምክንያት ብቻ የታሠሩትን ሌሎች ሰዎችንም በሙሉ እንዲፈታ፣ ፀረ ሽብር አዋጁን የተቃውሞ ድምፅ ማፈኛ አድርጎ ከመጠቀም እንዲቆጠብ እና ጋዜጠኞች፣ ብሎገሮችን እና ተቃዋሚዎችን የብዙኃን ስብጥር ሃገር ድምፅነት እንዲያከብር በነፃነት የመፃፍ እና የመናገር መብታቸውን እንዲጠብቅ እንጠይቃለን” ብለዋል የዩናይትድ ስቴትስ የብሔራዊ ደኅንነት መማክርቱ ቃል አቀባይ ኔድ ፕራይስ፡፡

የዜና ዘገባውን ከዚህ በታች ካለው የድምፅ ፋይል በመጫን ያድምጡ።

ዩናይትድ ስቴትስ የጋዜጠኞችን መታሠር አወገዘች
please wait

No media source currently available

0:00 0:02:22 0:00

ሃገራቸው ውስጥ የሚመድብ ማንኛውም የሰላም አስከባሪ ኃይል እንደ ጥቃት ስለሚቆጠር፥ ምላሽ ይሰጣል ሲሉ የቡሩንዲው ፕሬዝደንት አስጠነቀቁ።

የአፍሪካ ህብረት በታወከችው ሃገራቸው ውስጥ የሚመድበው ማንኛውም የሰላም አስከባሪ ኃይል እንደ ጥቃት ስለሚቆጠር፥ ምላሽ ይሰጣል ሲሉ የቡሩንዲው ፕሬዝደንት አስጠነቀቁ።

ይህ በፕሬዘዳንቱ የተሰጠ መግለጫ በዓለም አቀፉ ማህበረሰብ ውስጥ ድንጋጤን የፈጠረ ሲሆን፥ ብዙዎች ደግሞ የአፍሪካ ህብረት ቀጣይ እርምጃ ምን ሊሆን ይችላል ሲሉ እንዲጠይቁ አድርጓል።

የአሜሪካ ድምፅ ዘጋቢ አኒታ ፓወል (Anita Powell) ከጆሐንስበርግ ያደረሰችን ዘገባ አለ። ሰሎሞን ክፍሌ አቅርቦታል ከተያያዘው የድምፅ ፋይል ያድምጡ።

የቡሩንዲው ፕሬዝደንት የሰላም አስከባሪ ኃይል በሃገራቸው እንዳይገቡ አስጠነቀቁ
please wait

No media source currently available

0:00 0:05:25 0:00

የቀድሞ አጋርና ባለፈው የቡርኪና ፋሶ ምርጫ ጊዜ ተቃዋሚ የነበሩት ሳሊፍ ዲያሎ (Salif Diallo)ፋይል ፎቶ [አጃንስ ፍራንስ ፕረስ/AFP]

የቡርኪና ፋሶው ሳሊፍ ዲያሎ(Salif Diallo) የቀድሞ አጋርና ባለፈው የሃገሪቱ ብሄራዊ ምርጫ ጊዜ ተቃዋሚ ነበሩ። በዚህ ወር ደግሞ የብሄራዊ ሸንጎ ሊቀመንበር እንዲሁኑ ተመርጠዋል።

ቡርኪና ፋሶ የቀድሞ ፕረዚዳንት ብሌይስ ኮምፓኦሬ (Blaise Compaore) አጋር የነበሩትና በኋላ ተቃዋሚያቸው የሆኑትን ሳሊፍ ዲያሎን (Salif Diallo) የብሄራዊ ሸንጎ ሊቀመንበሩዋ አድርጋ መርጣለች።

እንደሳቸው የኮምፓኦሬ አጋር በበሁዋላ ተቃዋሚ የሆኑት ማርክ ክሪስቲያን ካቦሬ ፕረዚዳንት ሆነው ቃለ መሃላ ትናንት የፈጸሙ ሲሆን ዲያሎም ወዲያው ስልጣናንቸውን ተረክበዋል።

ዲሎና ካቦሬ ከቀድሞው ፕረዚዳንት ተቆራርጠው የራሳቸውን ፓርቲ ከሁለት ዓመት በፊት አቋቁመዋል።

ኮምፓኦሬ ለሃያ ሰባት ዓመታት በቆዩበት መንበረ ስልጣን ለመቆየት በመዳዳታቸው ምክንያት በተፈጠረ ህዝባዊ ዓመጽ ነው ከስልጣን የተባረሩት። የዜና ዘገባውን ከድምጽ ፋይሉ ያድምጡ።

ቡርኪና ፋሶ የብሄራዊ ሸንጎ ሊቀመር መረጠች
please wait

No media source currently available

0:00 0:00:56 0:00

የቱርክ የጦር ሓይሎች ከኢራቅ በአስቸኩዋይ መውጣት አለባቸው በማለት የኢራቅ ጠቅላይ ሚኒስትር ጥሪ አቅርበዋል።

የኢራቅ ጠቅላይ ሚኒስትር ሃይደር አል አባዲ (Haider al-Abadi)የቱርክ የጦር ሓይሎች ከኢራቅ በአስቸኩዋይ መውጣት ኣለባቸው ሲሉ በድጋሚ አሳሰቡ።

ቱርክ ወታደራዊ አሰልጣኝዎችዋን ስለምን ወደ ኢራቅ ድንበሮች አዝልቃ ትልካለች?
የኢራቅ ጠቅላይ ሚኒስትር ሃይደር አል አባዲ

ጠቅላይ ሚኒስትሩ ትናንት ረቡዕ ከቱርክ ጠቅላይ ሚኒስትር አህመት ዳቩቶጉሉ (Ahmet Davutoglu)ጋር በቴሌፎን ሲነጋግሩ፣ "የእስልምና መንግሥት ነኝ የሚለው ቡድን ተዋጊዎች ቱርክና ሶሪያ ድንበር ላይ ናቸው እየተባለ ቱርክ ወታደራዊ አሰልጣኝዎችዋን ስለምን ወደ ኢራቅ ድንበሮች አዝልቃ ትልካለች?” ሲሉ ጠይቀዋል። የዜና ዘገባችንን ከዚህ በታች ካለው የድምጽ ፋይል ያዳምጡ።

የኢራቅ ጠቅላይ ሚኒስትር የቱርክ የጦር ሓይሎች ከኢራቅ እንዲወጡ አሳሰቡ
please wait

No media source currently available

0:00 0:00:37 0:00

XS
SM
MD
LG