በቀላሉ የመሥሪያ ማገናኛዎች

ዜና

አንዋር መስጊድ እና አካባቢው፤ ዓርብ፣ መስከረም 25/2005 ዓ.ም

በአዲስ አበባ አንዋር መስጂድ ላይ ዛሬ ከቀትር በኋላ የተጣለ ፈንጂ ጉዳት ማድረሱ ተገልጿል፡፡

በአዲስ አበባ አንዋር መስጂድ ላይ ዛሬ ከቀትር በኋላ የተጣለ ፈንጂ ጉዳት ማድረሱ ተገልጿል፡፡

በፍንዳታው የሞተ ሰው እንደሌለ የኢትዮጵያ የመንግሥት ኮምዩኒኬሽንስ ጉዳዮች /ቤት ኃላፊ ሚኒስትር አቶ ጌታቸው ረዳን ጠቅሰው የኢትዮጵያ የመንግሥት መገናኛ ብዙኃን ዘግበዋል፡፡

ብሄራዊ የመረጃና የደኅንነት አገልግሎትና የፌደራል ፖሊስ ፀረ-ሽብር ግብረ-ኃይል አምስት ሰው በጠና መጎዳቱንና ሌሎች 19 ሰዎች ቀላል እንደደረሰባቸው አስታውቋል፡፡

ተጠርጣሪዎችን ለመያዝ ምርመራና ክትትል እየተካሄደ መሆኑን ግብረ ኃይሉ መጥቀሱ ተዘግቧል፡፡

ቪኦኤ ያናገረው አንድ እማኝ ለጁምዓ ሶላት እዚያው አንዋር መስጂድ እንደነበረ ጠቅሶ ፍንዳታው የደረሰው ሶላቱ ካበቃ በኋላ ምዕመናኑ እየዘመሩና ከረሜላ እየበተኑ በነበረ ወቅት አንድ በሶፍት ወረቀት የተጠቀለለ ትንሽ ነገር ከከረሜላዎቹ ጋር አብሮ ወደላይ ሲወረወር እንደሆነ በሥፍራው የነበሩ ጓደኞቹ እንደነገሩት ገልጿል፡፡

ፖሊስ አካባቢውን ወዲያው እንዳጠረ የገለፀው ይኸው እማኝ ለምሽቱ ሶላት ከሰዓት በኋላ አሥር ሰዓት አካባቢ ወደ መስጂድ ሲመለስ ፍንዳታው የደረሰበት ቦታ ላይ ደምና ጥቂት የቁርጥራጭ አካል ቅሪቶችን ማየቱን ተናግሯል፡፡

ከአደጋው ጋር የተያያዘ እሥራት አልተካሄደም ወይም ተጠርጣሪው ማን እንደሆነ እስከአሁን አልተገለፀም፤ አደጋውን የጣልኩ እኔ ነኝ ያለም የለም፡፡

የተያያዘውን የድምፅ ፋይል ያዳምጡ፡፡

በአንዋር ቦምብ ፈነዳ
please wait

No media source currently available

0:00 0:05:41 0:00

የኦሮሞ ፌደራላዊ ኮንግረስ በተለያዩ የኦሮሚያ ከተሞች ውስጥ ለነገ - ቅዳሜ፤ ታኅሣስ 2/2008 ዓ.ም ሰላማዊ ሰልፍ ጠርቷል፡፡

የጨፌ ኦሮሚያ መቀመጫ በሆነችው አዳማ በተጠራው ሰልፍ ላይ የከተማይቱ ነዋሪዎች ብቻ ሳይሆኑ የአካባቢው ከተሞች ነዋሪዎች፣ ኦሮሞዎች ብቻ ሣይሆኑ የሌሎችም ማኅበረሰብ ክፍሎች አባላት ሁሉ እንዲገኙና ለጥያቄዎቹ ድጋፍ እንዲሠጡ የኦሮሞ ፌደራላዊ ኮንግረስ የምሥራቅ ሸዋ ዞን አመራር አባል ኦቦ ቦና ገዳ ጥሪ አቅርበዋል፡፡

ኦቦ ቦና ለቪኦኤ በሰጡት ቃል ጥያቄዎቻቸው ኦፌኮ ሰሞኑን ባወጣው ባለአሥር ነጥብ መግለጫ ውስጥ የተካተቱ መሆናቸውን አመልክተው ከእነዚህ ውስጥም “ጥያቄዎቻቸውን በሰላማዊ መንገድ እያቀረቡ ባሉ የኦሮሚያ ተማሪዎች ላይ እየተካሄደ ያለው ድብደባ፣ እሥራትና ግድያ ይቁም፤ የአዲስ አበባን ማስተር ፕላንና የኦሮሚያን የከተሞች አዋጅ እንቃወማለን” የሚሉ እንደሚገኙበት አስታውቀዋል፡፡

የአዳማው ሰልፍ ቅዳሜ ከጠዋቱ ሦስት ሰዓት ከመስቀል አደባባይ ተነስቶ ወደ ጨፌ ኦሮሚያ ጉዞ እንደሚደረግ አቶ ቦና ተናግረዋል፡፡

ከአዳማው ሰልፍ በተጨማሪ በቡራዩ፣ በሰበታ፣ በሱሉልታና በነቀምትም ተመሣሣይ ሠልፎች መዘጋጀታቸውን የኦሮሞ ፌደራላዊ ኮንግረስ ዋና ፀሐፊ አቶ በቀለ ነጋ ለቪኦኤ ገልፀዋል፡፡

ለተጨማሪ የተያያዘውን የድምፅ ፋይል ያዳምጡ፡፡

በአዳማና በሌሎች አራት የኦሮሚያ ከተሞች ቅዳሜ ሠልፍ ተጠርቷል
please wait

No media source currently available

0:00 0:25:23 0:00
ቀጥተኛ መገናኛ

ተጨማሪ ይጫኑ

XS
SM
MD
LG