በቀላሉ የመሥሪያ ማገናኛዎች

ዜና

“ሙስሊሙ ማኅበረሰብ ሮመዳንን የተቀበለው እያዘነ ነው”

(ይህ ገፅ ሲከፈት የተደራረቡ ወይም የተረበሹ ድምፆችን የሚሰሙ ከሆነ ኮምፕዩተርዎ ከአንድ በላይ ድምፅ ማጫወቻ አለው ማለት ነው፡፡ ስለዚህ ከዚህ ፅሁፍ ሥር ካሉት ማጫወቻዎች አንደኛውን ብቻ አስቀርተው ሌሎቹን ያቁሟቸው፡፡)

በዓርቡ የአንዋር መስጊድ የሙስሊሞች ፀሎትና ተቃውሞ ላይ የተገኙ ስማቸው እንዳንገልጽ የጠየቁን አንድ የሙስሊሙ የመብት እንቅስቃሴ ተሣታፊ “ሙስሊሙ ማኅበረሰብ ሮመዳንን የተቀበለው እያዘነ ነው” ብለዋል።

“የሙስሊሙ ማኅበረሰብ የሮመዳንን ፆም እያዘነ የተቀበለው እጅግ የሚወዳቸው የሃይማኖት አስተማሪዎቹ ያለ አግባብ ቤታቸው እየተበረበረና እየተሣደዱ መሆኑን እያሰበ በመሆኑ ነው” ብለዋል።

ትላንትና ማታ አሥራ ሰባቱ የሙስሊሙ ማኅበረሰብ መፍትሔ አፈላላጊ ኮሚቴ አባላትን ጨምሮ ሌሎች ዳአኢዎችና ዑስታዞች ቤታቸው እንዲበረበርና ባሉበት እንዲያዙ ማዘዣ መውጣቱን በመስማቱ ከአምስት መቶ ሺህ በላይ የሚሆን ምዕመን በተቃውሞው ላይ መገኘቱን ለቪኦኤ ገልፀዋል። ይህ ሁኔታ “ዛሬን የተለየ ያደርገዋል”ም ብለዋል፡፡

በሌላ በኩል ብሉምበርግ ጋዜጣ ዛሬ ባወጣው ፅሁፍ የመንግሥት ኮምዩኒኬሽንስ መሥሪያ ቤት ሚኒስትር አቶ በረከት ስምዖን “የታሠሩት አመፅ ቀስቃሾች ናቸው፤ ሃይማኖትን ሽፋን በማድረግ ህገመንግሥቱን መናድ ይፈልጋሉ” ማለታቸውን ጠቅሷል።

ዝርዝሩን ከዓርቡ ተቃውሞ ተሣታፊ ጋር ትዝታ በላቸው ከደረገችው ቃለምልልስ ያድምጡ።

(ገፁ ሲከፈት የተደራረቡ ወይም የተረበሹ ድምፆችን የሚሰሙ ከሆነ ከዚህ ሥር ካሉት ማጫወቻዎች አንደኛውን ብቻ አስቀርተው ሌሎቹን ያቁሟቸውና የሚጫወተውን እንደገና ያስጀምሩት፡፡ )


በረከት ስምዖን

ጠቅላይ ሚኒስትር መለስ ዜናዊ በጥሩ የጤንነት ሁኔታ ላይ እንደሚገኙ የገለፀው የኢትዮጵያ መንግሥት አሁን ሐኪሞች ያዘዙላቸውን እረፍት በማድረግ ላይ ናቸው፤ በቀናት ውስጥም ወደ ሥራ ይመለሣሉ ብሏል፡፡

(ይህ ገፅ ሲከፈት የተደራረቡ ወይም የተረበሹ ድምፆችን የሚሰሙ ከሆነ ኮምፕዩተርዎ ከአንድ በላይ ድምፅ ማጫወቻ አለው ማለት ነው፡፡ ስለዚህ ከዚህ ፅሁፍ ሥር ካሉት ማጫወቻዎች አንደኛውን ብቻ አስቀርተው ሌሎቹን ያቁሟቸው፡፡)

መንግሥት ይህንን ያስታወቀው የጠቅላይ ሚኒስትሩን የጤንነት ሁኔታ አስመልክቶ ትናንት በተዘጋጀ የመጀመሪያ ጋዜጠዊ መግለጫ ላይ ነው፡፡ ከዚህ መግለጫ በኋላም የወጣ መረጃ የለም፡፡

በመንግሥት ኮምዩኒኬሽንስ ጉዳዮች ኃላፊ ሚኒስትር በረከት ስምዖን ትናንት ከተሰጠው ከዚህ መግለጫ በፊት የጠቅላይ ሚኒስትሩን ጤንነት አስመልክቶ ከመንግሥት ባለሥልጣናት በይፋ የተባለ ነገር አልነበረም፡፡

የጠቅላይ ሚኒስትሩን ጤንነት የተመለከቱ መረጃዎች ግን በተለያየ መንገድ ሲናፈሱ ቆይተዋል፡፡ “ጠቅላይ ሚኒስትሩ አስፈላጊው የሕክምና እርዳታ ተደርጎላቸዋል፤ በአሁኑ ሰዓትም እረፍት በማድረግ ላይ ናቸው” የሚለው የትናንቱ አባባልም ለመግለጫው መዘግየት ማሣያ ነው፡፡

መረጃው ይፋ ሣይሆን መቆየቱን የተቀበሉት ሚኒስትሩ አቶ በረከት ስምዖን ይህ የመነጨው ከድርጅታቸው ኢሕአዴግና ከመንግሥት ባሕል መሆኑን ገልፀዋል፡፡

የትናንቱን የመንግሥት መግለጫ ተከትሎ የመንግሥት የመገናኛ ብዙኃን ለመጀመሪያ ጊዜ ስለጠቅላይ ሚኒስትሩ የጤንነት ሁኔታ ዘግበዋል፡፡

ዘገባውን ያዳምጡ፡፡

(ገፁ ሲከፈት የተደራረቡ ወይም የተረበሹ ድምፆችን የሚሰሙ ከሆነ ከዚህ ሥር ካሉት ማጫወቻዎች አንደኛውን ብቻ አስቀርተው ሌሎቹን ያቁሟቸውና የሚጫወተውን እንደገና ያስጀምሩት፡፡ )


ተጨማሪ ይጫኑ

XS
SM
MD
LG