በቀላሉ የመሥሪያ ማገናኛዎች

ዜና

የሲዳማ ክልል የመሆን ጥያቄ አሁን የተነሣ ሳይሆን ለዓመታት ሲታገልለት የቆየ መሆኑን የሲዳማ አርነት ንቅናቄ አስታወቀ፡፡

ኢሕአዴግ በ1984 ዓ.ም አምስት የነበሩትን ክልሎች ወደ አንድ በማምጣት አሁን ደቡብ የሚባለውን ክልል የፈጠረበት ሁኔታም ድንገተኛና የሚመለከታቸው ያልመከሩበት ነው ሲሉ የክልሉ ተቃዋሚ ፓርቲዎች ተችተዋል፡፡

የሲዳማ አርነት ንቅናቄ - ሲአን ለሰጠው መግለጫ መነሻ የሆነው የሃዋሣ ከተማን ዕጣ ፈንታ አስመልክቶ በክልሉ ገዥ ፓርቲ ለውይይት ቀረበ የተባለው ሠነድ ነው፡፡

ሜትሮፖሊታን ከተማችንን እንዴት እንምራው በሚል ርዕስ የተዘጋጀው ሠነድ ከግንቦት 27 ቀን 2004 ዓ.ም ጀምሮ ለውይይት መቅረቡን ፓርቲው አስታውቋል፡፡

ሠነዱ ለውይይት የቀረበውም ለሲዳማና ለሃዋሣ ከተማ አስተዳደር የሥራ አስፈፃሚ ኮሚቴ አባላት እንዲሁም ለሲዳማ ተወላጅ የደኢሕዴን አባላት መሆኑን ጠቅሷል፡፡

ሠነዱ ሃዋሣ በተለያዩ ብሔረሰቦች ስብጥር እንድትተዳደር የሚጠይቅ መሆኑንም ጠቁሟል፡፡

ይህንን ሠነድ አጥብቆ እንደሚቃወመው የገለፀው ሲአን የዞኑ ተወላጆችም ይቃወሙታል ባይ ነው፡፡

ፓርቲው በዚሁ መግለጫ የሲዳማ ሕዝብ “ክልል የመሆን ጥያቄ”ም ሊመለስ ይገባል ሲልም አሣስቧል፡፡

የሃዋሣው ሠነድ ጉዳይ ወቅታዊ ይሁን እንጂ የሲዳማ ክልል የመሆን ጥያቄ በተደጋጋሚ የተነሣና ሲታገልለት የቆየ መሆኑንም ሲአን አስታውቋል፡፡

ዝርዝሩን ያዳምጡ፡፡

ሰኔ 19 በዓለም ዙሪያ የሥቃይ አያያዝ ተጋላጭና ተጎጂ የሆኑ ሰዎችን ለመደገፍና የሥቃይ አያያዝንም ለመዋጋት የተወሰነ ዓለምአቀፍ ዕለት ነው፡፡

የዘንድሮው ሰኔ 19 በዚሁ የሥቃይ አያያዝ ወይም ቶርቸር ጉዳይ ላይ የመከረው የተባበሩት መንግሥታት ድርጅት ጉባዔ 25ኛ ዓመት ነው፡፡

ዋና ፅሕፈት ቤቱ ኮፐንሃገን - ዴንማርክ የሚገኘው የሥቃይ አያያዝ ተጎጂዎችን የማቋቋም ዓለምአቀፍ ምክር ቤት ዋና ፀሐፊ ብሪታ ሲድሮፍ ዛሬ በሰጡት መግለጫ “ስለመልሶ ማቋቋም ስናወሣ አስፈላጊም ነው፤ በዓለምአቀፍ ሕግ መሠረት መብትም ነው፡፡ ሥቃይ የደረሰባቸው ሰዎች ሁለገብ እየሆነ የመልሶ ማቋቋም ማለትም የአዕምሮ ፈውስና የደህንነት መብት ሊኖራቸው ይገባል፡፡ የህክምና አገልግሎት ማግኘት አለባቸው፡፡ አብዛኛውን ጊዜም በተለየ ሁኔታ የሥነ አዕምሮ አገልግሎት ያስፈልጋቸዋል፡፡ ሥቃይ የፈፀመባቸውን የመንግሥት አካል ወይም የመንግሥት ተቋም ለፍርድ ለማቅረብ ሕጋዊ እርዳታ የሚያስፈልግበት ጊዜ አለ፡፡ በተጨማሪም የገንዘብም ድጋፍ የሚያስፈልጋቸውም አሉ” ብለዋል፡፡

በዓለም ዙሪያ ያለውን የሥቃይ አያያዝ ችግር በተመለከተ መሻሻሎች እየታዩ መሆናቸውን ዋና ፀሐፊዋ ብሪታ ሲድሆፍ አመልክተዋል፡፡

ዝርዝሩን ያዳምጡ፡፡

ተጨማሪ ይጫኑ

XS
SM
MD
LG