በቀላሉ የመሥሪያ ማገናኛዎች

ዜና

ትክክለኛ አመራር ለሚሰጥ የሃማኖት ተቋም ምሥረታ የሌላ ሃይማኖት ተከታዮችም እንዲተባበሩ ጥሪ ተደረገ፡

በኢትዮጵያ እሥልምና ዙሪያ የሚነሱ አነጋጋሪ ጥያቄዎች የመፍትሔ ሃሳብ የሰጡ ሁለት ምሁራን በዕውቀት ላይ የተመሠረተ አመራር የሚሰጥ የሃይማኖት ተቋም ማቋቋም አሁን ኢትዮጵያ ውስጥ በሃይማኖቱ ዙሪያ ለሚካሄደው ውዝግብ ዓይነተኛ መፍትሔ ነው ብለዋል።

በአዲስ አበባ ዩኒቨርሲቲ የታሪክና የባህል ረዳት ፕሮፌሰር አቶ አህመድ ዘካሪያ፤ በእሥልምና ጉዳዮች ዙሪያ ብዙ መፅሐፎችን የፃፉና ብዙዎችንም የተረጎሙ አቶ ሐሰን ታጁ በኢትዮጵያ የእሥልምናን ፖለቲካዊና ማኅበራዊ ታሪክ፣ በወቅቱ በሃይማኖቱ ዙሪያ ውዝግብ የሚሰማበትን ምክንያትና የመፍትሔ ሃሳብ በየበኩላቸው ለአሜሪካ ድምፅ ራዲዮ አስተያየት ሰጥተዋል።

የኢትዮጵያ የፖለቲካ ታሪክ እንደ አውሮፓ አቆጣጠር እስከ 1974 ዓ.ም በአንድ ሃይማኖት የበላይነት የሚያምንና ሌሎቹን በመጨፈለቅ፣ በተለይም እሥልምናን በመምታት ላይ የተመሠረተና ድጋፍ ያገኝ የነበረውም ከቤተክህነት እንደነበር ተናግረዋል።

የሙስሊሞችና የክርስትና እምነት ተከታዮች ማህበራዊ ግንኙነት ግን ከፓለቲካው በጣም የተሻለና ተሳስቦ የመኖርን ታሪክ የሚያንፀባርቅ መሆኑን ገልፀዋል።

አሁን በኢትዮጵያ እሥልምና ዙሪያ ለተከሰቱ ጥያቄዎችና ውጥረቶች ምሁራኑ ከኅብረተሰባዊነት (ሶሻሊዝም) ርዕዮተ-ዓለም መውደቅ በኋላ በዓለም ዙሪያ የህዝቦችን ወደ ሃይማኖት መመለስ አዝማሚያ፣ የኢንተርኔትና የሌሎች መገናኛ ብዙኃን መስፋፋት ሙስሊሞች ሃይማኖታቸውን እንዲያዳብሩ ማስቻሉን አመልክተዋል።

ለተጨማሪ ማብራሪያ ከሁለቱ ምሁራን ጋር የተደረገውን ሰፋ ያለ ውይይት እንድታዳምጡ እንጋብዛለን።

«ሳውዲ አረቢያ በዚያች አገር ላሉ ለሚሊዮኖች ክርስቲያኖች የእምነት ነጻነት እየነፈገች ነው። በሃይማኖታቸው ሳቢያን ኢትዮጵያውያን ክርስቲያኖችን እያዋከበች ነው። ክርስቲያኖች መጽሃፍ ቅዱስ ይዘው በመገኘታቸው ብቻ በደል ይፈጸምባቸዋል። ይሄ የአሜሪካንም ሆነ የዓለም አቀፍ መሠረታዊ የሃይማኖት ነጻነት የሚጻረር ነው።»

ለበርካታ ወራት በሳውዲ አረቢያ ያለፍርድ የታሰሩ ከሰላሳ በላይ ኢትዮጵያዉያን የክርስትና እምነት ተከታዮችን ለማስፈታት የታለመ ሰላማዊ ሰልፍ በዛሬው ዕለት እዚህ ዋሽንግተን ዲሲ ውስጥ ተካሄዷል።

ከዋሽንግተኑ የሳውዲ ኤምባሲ ደጃፍ ለሦሥተኛ ጊዜ የተካሄደውን ሰልፍ የጠሩት በአካባቢው የሚኖሩ ኢትዮጵያውያንና ኢትዮጵያውያን አሜሪካውያን በዓለም ዙሪያ በአማንያን ላይ የሚፈጸሙ በደሎችን ለመዋጋት የቆመ አንድ መቀመጫውን በዋሽንግተን ዲሲ ያደረገ የሰብዓዊ መብት ድርጅት በመተባበር ነው።

በሌላ በኩል ደግሞ እዚያው ሳውዲ ዐረቢያ ውስጥ ባሉ በርካታ እስር ቤቶች ውስጥ «ያለ ፍትሃዊና በቂ የፍርድ ሂደት እአማቀቅን ነን፤ ስቃዩን ተሸክመናል፤» የሚሉ በእስር ቤቶች ውስጥ ያሉ ኢትዮጵያውያን ብሶታቸውን ገልጸውልናል።

የዘገባዎቹን ሙሉ ዝርዝር ቀጥሎ ያድምጡ፤

ተጨማሪ ይጫኑ

XS
SM
MD
LG