በቀላሉ የመሥሪያ ማገናኛዎች

ዜና

የኢትዮጵያ መንግሥት ከመጭው ሣምንት ዠምሮ በአሜሪካ የሚገኙ ኢትዮጵያውያንና ትውልደ-ኢትዮጵያውያንን ጠርቷል፡፡

ዋሽንግተን ዲሲ የሚገኘው የኢትዮጵያ ኤምባሲ ለአንድ የአካባቢያችን ሬዲዮ ጣቢያ በሰጠው መግለጫ መሠረት የስብሰባው ዓላማ ስለ አገሪቱ አጠቃላይ ዕድገት ለማስረዳትና ለመወያየት ነው።

ይሁንና ይህንን ስብሰባ የሚቃወሙ ኢትዮጵያውያን እንዳሉም ዩናይትድ ስቴትስ ውስጥ በሚገኙ ልዩ ልዩ ኢትዮጵያውያን ዌብ ሣይቶችና ሬዲዮ ጣቢያዎች ተገልጧል።

የዚህ ስብሰባ ዓላማ ቀደም ሲል ከተገለፀው በተጨማሪ ዘርዘር ባለ መልኩ ሲገለፅ «በ፭ ዓመቱ የትራንስፎርሜሽን ዕቅድና በተዘጋጀው የዳያስፖራ ፖሊሲ ረቂቅ ሰነድ ላይ ለማወያየት» ተብሏል። ይህም ከዋሽንግተኑ የኢትዮጵያ ኤምባሲ ፅ/ቤት በበረረችውና በልዩ መልዕክተኛውና ባለ ሙሉ ሥልጣን አምባሣደሩ አቶ ግርማ ብሩ የተፈረመችው የግብዣ ድብዳቤ ላይ ተመልክቷል።

ለምን የጥሪ ደብዳቤ አስፈለገ? አምባሣደሩ በሬዲዮ እንደገለፁት ደውሎ ማሣወቅና መመዝገብ ብቻ አይበቃም ነበር? ወዘተረፈ።

እነዚህና ሌሎችን ጥያቄዎች ለማንሳት ፈልገን ወደ ኤምባሲው ያደረግንው የስልክ ጥሪ አልተሳካም፡፡ ፀሓፊዋን አግኝቴ «ስብሰባ ላይ ናቸው፤ ሲወጡ እነግራለሁ» ብለውኝ ነበር። ቆይቼ አምባሳደር ሙሌን አግኝቼ ነበር፣ «ጠይቄ እደውልልሃለሁ» ብለውኝ ስጠባበቅ ሰዓቴ ደርሶ ወደ ስቱዲዮ ገባሁ።

ይሁንና አምባሣደር ግርማ ብሩ ለአንድ የአካባቢው ሬዲዮ ጣቢያ ስለ ዓላማው ጠቅለል አድርገው የተናገሩትን በዚህ ዘገባዬ ላይ አክያለሁ።

ዘገባውን ያዳምጡ፡፡

በአይቮሪ ኮስት የንግድ መዲና አቢጆ ተኩሱ ቀጥሏል። የታህሳስ ወሩን የፕሬዝደንታዊ ምርጫ ማሸነፋቸውን በአለም አቀፉ ማህበረሰብ እውቅና የተሰጣቸው ፕሬዝደንት አላሳን ዋታራ ታማኝ ሀይሎች የሎሮን ባግቦን ቤተ-መንግስት ከበዋል።

በአይቮሪኮስት ሁኔታዎች በፍጥነት እየተለወጡ ነው።

የአገሪቱ የቴሌቪዥን ጣቢያ ትናንት ማምሻውን ስርጭቱን ማቋረጡን የዋታራ ቃል አቀባይ አሁዋ ዶን ሜሎ ገልጸዋል።

የባግቦ ወታደሮች የአገሪቱን የአየር ማረፊያ ለተባበሩትም መንግስታት ድርጅት የሰላም አስከባሪዎች አስረክበዋል። የሃገሪቱ ጦር ጠቅላይ አዛዥ በደቡብ አፍሪካው አምባሳደር የመኖሪያ ቤት ተጠግተዋል።

አላሳን ዋታራ የአገሪቱ ጦር አብሯቸው እንዲታገል ጥሪ አቅርበዋል።

“በጥርጣሬ ላይ ያላቸሁ የጦሩ አባላት፤ ጄኔራሎችም ሆናችሁ መኮንኖችና ተራ ወታደሮች አገራቸሁን የማገልገያ ጊዚያችሁ አሁን መሆኑን አምናችሁ ወደ ህግ ተመለሱ። ጠመንጃ ያነገቡትን ወንድሞቻችሁን የመቀላቀያ ጊዜው አላለፈም” ብለዋል ዋታራ።

አቢጆን ለመቆጣጠር ውጊያው የተፋጠነው ላይቤሪያን በሚያዋስነው የአገሪቱ ክፍል፤ የዋታራ ወታደሮች ያለምንም ቅዋሜ አካባቢውን ነጻ ካወጡ ወዲህ ነው። በዚህ ዘመቻ የፖለቲካ መዲናዋን ያሞሱክሮ እና የሳን ፔድሮ ወደብን ተቆጣጥረዋል።

በስተምስራቅ በኩልም ጋናን በሚያዋስነው ድንበር ድል ቀንቷቸዋል። በአይቮ ሪኮስት ከታህሳሱ ወር የፕሬዝደንታዊ ምርጫ ወዲህ ከ500 የማያንሱ ሰዎች መገደላቸውን የተባበሩት መንግስታት ድርጅት አስታውቋል። ዋና ጸሀፊ ባንጊ ሙን ሁለቱም ተፎካካሪ ጎራዎች ዜጎችን እንዳይጎዱ አስጠንቅቀው፤ ሚስተር ባግቦ ከስልጣን እንዲወርዱና ዋታራ መንግስት እንዲመሰርቱ ጠይቀዋል።

ተጨማሪ ይጫኑ

XS
SM
MD
LG