በቀላሉ የመሥሪያ ማገናኛዎች

ዜና

ሃገያ በመጠኑ እየጣለ ነው፡፡ ተስፋው ያለው ግን የገና ዝናብ ላይ ነው፡፡

በአፍሪካ ቀንዱ የበረታ ድርቅ ከተጠቁት የኢትዮጵያ አካባቢዎች አንዱ የሆነው የቦረና ዞን ከአደጋው የማገገም አጋጣሚ የሚያገኘው ከአምስትና ከስድስት ወራት በኋላ በሚጠበቀው የገና ዝናብ መሆኑን በአካባቢው የሚንቀሣቀስ አንድ መንግሥታዊ ያልሆነ ድርጅት አስታወቀ፡፡

"የራስን ዕድል በራስ ከመወሰን" ፖለቲካዊ ጉዳይ ጋር በተያያዘ ተወክለው አዲስ አበባ የሚገኙ የአካባቢው የሃገር ሽማግሌዎች ደግሞ በድርቁ ምክንያት በርካታ ከብቶች መሞታቸውን፤ የነበሩት መጠነኛ እርሻዎችም አለማምረታቸውን ተናግረዋል፡፡

ሁለት የዝናብ ወቅቶች ባሉት አካባቢ ሃገያ ተብሎ የሚጠራው የመስከረምና የጥቅምት ዝናብ በመጠኑ መጀመሩን ከሽማግሎቹ አንዱ አቶ ገርቦሌ ጃተኒ አመልክተው ይሁን እንጂ ዝናቡ እምብዛም አርኪ አለመሆኑን ገልፀዋል፡፡

ባለፈው ክረምት ትልቁ ዝናብ ስላልጣለ ወትሮም ቢሆን ይህንን ያህል ግምት የማይሰጠው የአሁኑ ዝናብ የጠፋውን ሣር ሊያበቅል እንደማይችልና እንግዲህ ካሉበት ሁኔታ እንዲያገግሙ ተስፋቸው ያለው ከአምስትና ከስድስት ወራት በኋላ የሚጠበቀው ትልቁ የገና ዝናብ መሆኑን አቶ ገርቦሌ ጃተኒ አመልክተዋል፡፡

የኢትዮጵያ አግሮ-ፓስቸራሊስት የልማት ማኅበር ዳይሬክተር አቶ ኤልያስ ጉዮም የአቶ ግርቦሌን ሃሣብ አጠናክረዋል፡፡

ለተጨማሪ ዝርዝር የእስክንድር ፍሬውን ዘገባ ያዳምጡ፡፡

ስዊድናዊያኑ ጋዜጠኞች ዛሬ፣ ማክሰኞ ጥቅምት 21/2004 ዓ.ም ችሎት ቀርበዋል፡፡

የፌዴራል ከፍተኛ ፍርድ ቤት ሦስተኛ ወንጀል ችሎት በሁለቱ ስዊድናውያን ጋዜጠኞች እና ሁለት የኦብነግ ታጣቂዎች በተባሉ ተከሣሾች ላይ አቃቤ ህግ ያቀረባቸውን ምስክሮች አደምጧል፤ የቪዲዮ ማስረጃዎች ተመልክቷል።

ችሎቱ ለነገ ረቡዕ፤ ጥቅምት 22/2004 ዓ.ም ጠዋት ተለዋጭ ቀጠሮ ሰጥቷል።

ስዊድናዊያኑ ጋዜጠኞች ተገቢውን የጉዞ ሠነድ ሳንይዝ ድንበር ጥሰን በመግባታችን ጥፋተኞች ነን በማለት የኢትዮጵያ መንግሥትን ይቅርታ መጠየቃቸው ይታወቃል፡፡

ይሁን እንጂ "በሽብርተኝነት ተግባር የቀረበብን ክስ ያላደረግነው በመሆኑ አንቀበለውም፥ በስፍራው የተገኘነው 'በአካባቢው አለ' በተባለው ግጭት ላይ ዘገባ ለማቅረብ ነው ማለታችው አይዘነጋም።

የፍርድ ሂደቱ የዓለምአቀፍ አካላትን ትኩረት ስቧል።

ዝርዝሩን ከመለስካቸው አምሃ ዘገባ ያዳምጡ፡፡

ተጨማሪ ይጫኑ

XS
SM
MD
LG