በቀላሉ የመሥሪያ ማገናኛዎች

ዜና

አንድ የሊባኖስ ወታደር የኢትዮጵያ አየር መንገድ ቦይንግ 737 ስብርባሪዎችን ከባህር ሲለቅም

የኢትዮጵያ አየር መንገድ ዘገባዎቹን መሰረተ-ቢስ ሲል አስተባብሏል

ጥር 17 ቀን 2002 ዓ.ም ማለዳ በቤይሩት ሰማይ የተከሰከሰው የኢትዮጵያ አየር መንገድ አውሮፕላን ይሄው አንድ አመት ሊሞላው ጥቂት ሳምንታት ቀርተዋል።

የአውሮፕላኑ የአደጋ መንስዔ የፓይለት ስህተት ነበር በሚል የሊባኖስ ጋዜጦች ዘግበዋል። የኢትዮጵያ አየር መንገድ የምርመራ ውጤቱ ገና አልታወቀም ሲል አስተባብሏል።

የቦይንግ 737-800 አውሮፕላኑን ከቤይሩት የአውሮፕላን ጣቢያ በተነሳ በጥቂት ጊዜ ውስጥ አምዘግዝጎ ምን እንደጣለው ለመመርመር የሊባኖስ የሲቪል አቪየሽን ባለስልጣን ቡድኑን እየመራ በፓሪስ መሰረቱን ያደረገው BEA የተባለ የመርማሪ ቡድን እንዲሁም የአውሮፕላን አደጋ አጣሪውና የአውሮፕላኑ ሰሪ ሀገር የሆነችው ዩናይትድ ስቴይትስ ተወካይ NTSBም አጣሪዎቹን ልኳል።

BEAም ሆነ NTSB በዚህ ጉዳይ ላይ ባለፈው አመት በድረ-ገጻቸው ያሰፈሩትን የምርመራ መዝገብ በይፋ ተጨማሪ መረጃ አጨመሩበትም። እንዲሁ በደፈናው ምርመራው እየተከናወነ መሆኑን ገልጸዋል።

ከሊባኖስ የዜና ማሰራጫ ቴሌቪዥን LBC የወጡ ዘገባዎች እንደሚያትቱት ደግሞ በዚህ ሁለት ቀን ውስጥ የአደጋው መንስዔ ይፋ ይሆናል የሚል መረጃን ይዘዋል።

ከዚያም አልፈው የኢትዮጵያው አየርመንገድ አብራሪ “ስህተት በመስራቱ ነው አውሮፕላኑ ከቁጥጥር ውጭ ወጥቶ የተከሰከሰው” የሚል መረጃም በLBC ዘገባ እንደሚሰራጭ በሊባኖስ ጋዜጦች ተዘግቧል።

የኢትዮጵያ አየር መንገድ ዋና ስራ አስፈጻሚ አቶ ተወልደ ገብረ ማርያም ከሊባኖስ የመነጩት ዜናዎች ተአማኒነት የጎደላቸውና የአለም አቀፍ ሲቪል አቪየሽን ህጎችን ያልተከተሉ ናቸው ሲሉ አስተባብለዋል።

የዝግጅት ክፍላችን ከአቶ ተወልደ ጋር ያደረገውን ውይይት ያዳምጡ

አቶ ምሕረት ደበበ፤ የኢትዮጵያ ኤሌክትሪክ ኃይል ኮርፖሬሽን ዋና ሥራ አስፈፃሚ

የግቤ ሁለት ኃይል ማመንጫ ሥራ ጀምሯል፡፡

የጊቤ ሁለት ኃይድሮ ኤሌክትሪክ ኃይል ማመንጫ ጣቢያ ተመርቆ በተከፈተ በጥቂት ቀናት ውስጥ በማስተላለፊያ መሥመሩ ላይ ደርሶ በነበረው የአለት ናዳ ምክንያት ሥራው ለአሥራ አንድ ወራት ተቋርጦ መቆየቱ ይታወሣል፡፡

ጥገናው ተጠናቅቆ የኃይል ማመንጫው አገልግሎት መስጠት የጀመረው ዕሁድ ታኅሣስ 17 ቀን 2003 ዓ.ም ነው፡፡

የአደጋውን ምክንያትና የጥገናውንም ሁኔታ ለማጥናት የኮርፖሬሽኑ መሥሪያ ቤትና ሌሎች ስድስት ዓለምአቀፍ ድርጅቶት መሣተፋቸውን የኢትዮጵያ ኤሌክትሪክ ኃይል ኮርፖሬሽን ዋና ሥራ አስፈፃሚ አቶ ምሕረት ደበበ ለአሜሪካ ድምፅ ራዲዮ ጣቢያ በሰጡት ማብራሪያ ተናግረዋል፡፡

ግቤ ሁለት ማመንጫ ጣቢያ ተጨማሪ 420 ሜጋ ዋት የኤሌክትሪክ ኃይል በማንኛውም ጊዜ ማቅረብ የሚችል መሆኑን ዋና ሥራ አስፈፃሚው አመልክተዋል፡፡

በግቤ ሁለት አገልግሎት ማቋረጥ መንስዔና በጥገናውም ሥራ ላይ ዋና ሥራ አስፈፃሚውን አቶ ምሕረት ደበበን ሰሎሞን አባተ አነጋግሯቸዋል፤

ለዝርዝሩ ቃለምልልሱን ያዳምጡ፡፡

ተጨማሪ ይጫኑ

XS
SM
MD
LG