በቀላሉ የመሥሪያ ማገናኛዎች

የዚካ ወረርሽኝን ለመከላከል


“ከዚካ ወረርሽኝ ጋር ተዛምደው የተነሱትን ሕጻናት ከወትሮው አማካኝ መጠን በእጅጉ ያነሰ የአናት ቅል የሚወለዱበትና ከአያሌ ሺህ ሕጻናት በአንዱ ወይም በአንዷ ብቻ የሚከሰተውን ውስብስብ የነርቭ ሥርዓት ሁከት የመሳሰሉ (አብረው የሚወለዱ የበሽታ ዓይነቶች) በእርግጥ ቫይረሱን ተከትለው የተከሰቱ መሆናቸውን ለማረጋገጥ አሁንም ተጨማሪ ጥናቶች ያስፈልጋሉ።” የጤና ባለሥልጣናትና ተመራማሪዎች።

በአሁኑ ወቅት “የዚካ ወረሽኝን ለመከላከል የተሻለው አማራጭ ራስን በቫይረሱ አስተላፊዋ ትንኝ ከመነደፍ መከላከል ነው፤” ሲል የዓለሙ ጤና ድርጅት WHO አስታወቀ።
ለዚህም ዋናው ምክንያቱ የበሽታውን መከላከያ ክትባት መሥራት ጊዜ የሚጠይቅ በመሆኑ ነው።
ከዩናይትድ ስቴትስና እንዲሁም ከብራዚልና ሌሎች ለቫይረሱ ከተጋለጡ አገሮች የተውጣጡ የጤና ባለሥልጣናት ለተባበሩት መንግስታት ድርጅት የምጣኔ ሃብት ኮምሽንና የማኅበራዊ ጉዳዮች ምክር ቤት በላንትናው ዕለት እንዳስታወቁት ዓለም አቀፍ ጥረት በበሽታው ሥርጭት፥ ቁጥጥርና ጥናት ላይ ነው ያተኮረው።

XS
SM
MD
LG