በቀላሉ የመሥሪያ ማገናኛዎች

የሳምንቱ የራዲዮ መፅሔት ወጎች፥ “እያዩ ፈንገስ” ... እና ሌሎች ታሪኮች


ግሩም ዘነበ - እያዩ ፈንገስ

የሳምንቱ የእረፍት ጊዜ የእሁድ ምሽት የመዝናኛ ምርጫችሁ ከአሜሪካ ድምጽ ራዲዮ።



“እያዩ ፈንገስ” ... “ፌስታሌን” እያለ ዋሽንግተን ከዘለቀ ሰነባበተ። ብዙዎችም ከለዛው ትርኢት ታደሙ። በደስታና ሃዘን ሥሜቶች ታበሱ፤ በእምባና ሳቅም ታጠቡ።

ወደ መካከለኛው-ምዕራብ ዩናይትድ ስቴትስ ግዛቶች የተሻገረው “የአንድ ሠው” ቴአትር በቀልዳ ቀልድ ለዛ ተዋዝተው የተነገሩ መራር እውነቶቹ ግን ማነጋገሩን ቀጥለዋል። በምሽቱ የራዲዮ መጽሔት ከታዳሚና ከቴአትር ባለሞያዎች እንሰማለን።

በተዘባ አጉል ዜና አርፏል፤ የተባለው የ1972ቱ የሞስኮ ኦሎምፒክ ሁለት የወርቅ ሜዳሊያዎች ባለቤቱ ሻምበል ምሩጽ ይፍጠርም ድምጹን ያሰማናል።

ቢቢሲ ዓለም አቀፍ አገልግሎት በአማርኛ፥ ኦሮምኛ እና ትግርኛ ቋንቋዎች የራዲዮ ፕሮግራሞች ማሰራጨት ሊጀምር ነው።

ንጉሴ አክሊሉ ከአዲስ አበባ በራዲዮ መጽሔት ወጎች ማሳያ መስኮቱ የኢትዮጵያን የጋዜጠኝነት ታሪክ የሚተርክ ቃለ ምልልስ ከሳምንቱ ቅንብሩ ጋር ብቅ ይላል።

የስነ-ግጥም ቤተኞቻችን ተመልሰዋል። በሳምንቱ ምርጥ ግጥም የብራስልሱ ያሬድ በላይነህ “አንዳንዴ” ይለናል።

XS
SM
MD
LG