ናይሮቢ —
የተባበሩት መንግሥታት ዋና ጸሓፊ ባን ኪ ሙን በጉባኤዉ መክፈቻ ሥነ ሥርአት ላይ ባሰሙት ንግግር ‘ንግድ፥ ቴክኖሎጂንና ኢንቨስትመንትን በትክክልለኛዉ መሪህ ተግባር ላይ ካዋልነዉ ሁሉንም ዜጋ ተጠቃሚ ማድረግ የሚችል ዕድገት ማስመዝገብ እንችላለን’ በማለት ተናግረዋል።
በመክፈቻ ሥነ ሥርአቱ ንግግር ያካሄዱት የኬንያዉ ፕሬዝዴንት ኡሁሩ ኬንያታ ሃገሮች ነጻ የንግድ ቀጠና ሥምምነትን ወደ ተግባር እንዲለዉጡ መልዕክታቸዉን አስተላልፈዋል።
ለ6 ቀናት የሚቆየዉ የየተባበሩት መንግሥታት ድርጅት የንግድና የዕድገት ጉባኤ የዓለም ኢኮኖሚ ዕድገት ቀጣይነት ላይ በማትኮር የተወያየ ሲሆን በተለይ የልማት ፖሊሲ አፈጻጸም አሁን ለተከሰተዉ የዓለም ዕድገት ወደ ኋላ መጓተት ሰበብ ነዉ ሲል ገልጿል።
ጉባኤው በሚቀጥሉት 4 ቀናትም በዝቅተኛ የዕድገት ደረጃ ላይ የሚገኙት ሃገሮች ከዓለም ኢኮኖሚ ተጠቃሚ የሚሆኑባቸዉን አጀንዳ ላይ ይወያያል።
ዝርዝር ዘገባውን ከተያያዘው የድምፅ ፋይል ያድምጡ።
