የኢትዮጵያዊያን ስደተኞች ድምፅ ከየመን

ዋሺንግተን ዲ.ሲ. — 





በየመን እና በሳዑዲ አረቢያ ድንበር ላይ የሚገኙ ኢትዮጵያዊያን ስደተኞች የሚገኙት በአስቸጋሪ ሁኔታ ላይ መሆኑ ተሰምቷል፡፡

ሳዑዲ አረቢያ ከየመን ጋር በሚያዋስናት ድንበሯ ላይ በተለይ ከአፍሪካ የሚጎርፉ ስደተኞችና ፍልሰተኞችን ያስቆምልኛል ያለችውን አጥር አቁማለች፡፡ 1800 ኪሎሜትር ከሚሆነው የጎረቤቶቿ ወሰኖች በ75 ኪሎሜትር ላይ የቆመው ባለ ሦስት ሜትር ቁመት አጥር ተጠናቅቋል፡፡

ዛሬ ወደ ሳዑደ አረቢያ መዝለቅ እንደቀድሞ ቀላል አይደለም፡፡

አደገኛው አጥር ከኢትዮጵያ፣ ከኤርትራና ከሌሎችም የአፍሪካ ሃገሮች ብዙ መከራ አልፈው የየመንን ምድር ከረገጡም በኋላ የሚከተላቸው ሥቃይ ከዚህ አጥር ማዶ ያለውን ሥራ የማግኘት ተስፋና ከጀርባ የተዋቸውን የመርዳት ህልማቸውን ያጨልመዋል፡፡

የመን ውስጥ ሃያ አምስት ሺህ ስደተኞች እንዳሉ ዓለምአቀፉ የፍልሰት ድርጅት - አይኦኤም የሚናገር ሲሆን በቅርቡ አራት መቶ የሚሆኑ ስደተኞች ወደ ኢትዮጵያ እንዲመለሱ ተደርጓል፡፡

ስደተኞቹ የሚደርሱባቸው በደሎችና ችግሮች የተደራረቡ እንደሆኑ የሚናገሩ ሲሆን በተለይ የተባበሩት መንግሥታት ድርጅት የስደተኞች ጉዳይ ከፍተኛ ኮሚሽነር - ዩኤንኤችሲአር እና ሰንዐ የሚገኘው የኢትዮጵያ ኤምባሲ ለችግራቸው ካለመድረሣቸውም በላይ እንደሚያንጓጥጧቸውና ሰብዕናቸውን የሚጎዱ አድራጎቶችን እንደሚፈፅሙ በማማረር ይናገራሉ፡፡

ለዝርዝሩ የተያያዘውን የድምፅ ፋይል ያዳምጡ፡፡